Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Henebion cofrestredig

Mae dros 4,000 o henebion cofrestredig yng Nghymru. Mae’r ddeddfwriaeth sylfaenol a’r is-ddeddfwriaeth a nodir isod yn rheoli’r gwaith o’u diogelu a’u rheoli mewn ffordd gynaliadwy; maen nhw i gyd yn rhan o’r cod ar gyfer yr amgylchedd hanesyddol.

Deddfwriaeth sylfaenol

Deddf yr Amgylchedd Hanesyddol (Cymru) 2023

Mae Rhan 2 o’r Ddeddf hon, sy’n cynnwys 7 Pennod, yn darparu’r ddeddfwriaeth sylfaenol ar gyfer y canlynol:

  • diffiniad o heneb (Pennod 1)
  • cofrestru henebion sydd o bwys cenedlaethol (Pennod 2)
  • rheoli gwaith sy’n effeithio ar henebion cofrestredig (Pennod 3)
  • cytundebau partneriaeth henebion cofrestredig (Pennod 4)
  • cymryd camau yn erbyn gwaith anawdurdodedig i henebion cofrestredig (Pennod 5)
  • caffael a gwarchod henebion hynafol (Pennod 6)
  • darpariaethau cyffredinol gan gynnwys y rhai sy’n ymwneud â difrod bwriadol i henebion, defnyddio datgelydd metel a phwerau mynediad.

Mae paragraffau 8-243 o’r nodiadau esboniadol i’r Ddeddf yn ymdrin â’r darpariaethau yn Rhan 2.

Is-ddeddfwriaeth

Rheoliadau Henebion Cofrestredig (Cytundebau Partneriaethau) (Cymru) 2024

Mae’r rheoliadau hyn yn gwneud darpariaeth ar gyfer yr ymgynghoriad a’r cyhoeddusrwydd y mae’n rhaid i Weinidogion Cymru, Cadw i bob pwrpas, eu rhoi ar waith cyn gwneud cytundeb partneriaeth ar gyfer heneb gofrestredig. 

Rheoliadau Ceisiadau am Gydsyniad Heneb Gofrestredig (Cymru) 2024

Mae’r rheoliadau hyn yn amlinellu’r gofynion ar gyfer cais am gydsyniad heneb gofrestredig ac yn gwneud diwygiadau canlyniadol angenrheidiol i reoliadau eraill.

Tra bod angen ail-lunio’r rheoliadau blaenorol yn gyfan gwbl er mwyn cynnwys y newidiadau deddfwriaethol a wnaed gan Ddeddf yr Amgylchedd Hanesyddol (Cymru) 2023, dim ond diwygiadau canlyniadol oedd angen eu gwneud i sicrhau bod y rheoliadau canlynol yn cydymffurfio â’r Ddeddf ac ychwanegu’r datganiad eu bod bellach yn rhan o’r cod ar gyfer yr amgylchedd hanesyddol.

Rheoliadau Henebion Cofrestredig (Adolygu Penderfyniadau Cofrestru) (Cymru) 2017

Mae’r rheoliadau hyn yn nodi’r sail ar gyfer adolygu penderfyniadau cofrestru ac amryw o faterion gweithdrefnol manwl.