Datblygiadau cenedlaethol

Datblygiadau o Arwyddocâd Cenedlaethol

Cais cynllunio am brosiect seilwaith mawr o bwys cenedlaethol yw datblygiad o arwyddocâd cenedlaethol (DAC); er enghraifft, fferm wynt, pwerdy neu gronfa ddŵr. Bydd arolygwr cynllunio yn ystyried ceisiadau DAC, cyn gwneud argymhellion i’r Gweinidog. Yna, mae’r Gweinidog yn penderfynu a yw am roi caniatâd neu beidio.

Rydym yn darparu cyngor i’r Arolygiaeth Gynllunio ynglŷn ag effaith bosib Datblygiadau o Arwyddocâd Cenedlaethol arfaethedig ar y canlynol:

• henebion cofrestredig a’u lleoliadau
• adeiladau cofrestredig a’u lleoliadau
• parciau a gerddi hanesyddol cofrestredig a’u lleoliadau
• tirweddau hanesyddol cofrestredig
• drylliadau gwarchodedig
• Safleoedd Treftadaeth y Byd.

Prosiectau Seilwaith Cenedlaethol

Mae llywodraeth y DU yn ymgynghori â ni ar brosiectau datblygu ynni a harbwr o bwys cenedlaethol yma yng Nghymru – prosiectau sydd angen math arbennig o gydsyniad o’r enw ‘cydsyniad datblygu’;  sy’n cael eu pennu gan lywodraeth y DU yn dilyn archwiliad cyhoeddus gan yr Arolygiaeth Gynllunio.

Rydym yn cynghori’r Arolygiaeth Gynllunio ar effaith bosib prosiectau seilwaith cenedlaethol arfaethedig ar:

• henebion cofrestredig a’u lleoliadau
• adeiladau rhestredig a’u lleoliadau
• parciau a gerddi hanesyddol cofrestredig a’u lleoliadau
• tirweddau hanesyddol cofrestredig
• drylliadau gwarchodedig
• Safleoedd Treftadaeth y Byd.