Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Ymgysylltu cyn gwneud cais

Rydym yn annog datblygwyr i siarad â ni cyn cyflwyno cynigion i’r awdurdod cynllunio lleol. Mae trafodaeth gynnar yn golygu y gallwn gynghori ar y wybodaeth sydd angen ei darparu am yr amgylchedd hanesyddol fel rhan o’r cais cynllunio.

Fe’ch anogir i gysylltu â’n tîm Cynllunio a Pholisi i drafod datblygiad arfaethedig cyn cyflwyno cais. Byddwn yn ymateb i ymgynghoriadau o’r fath o fewn 21 diwrnod.

Gallwch gysylltu â’n tîm Cynllunio a Pholisi trwy e-bostio  CynllunioCadw@llyw.cymru

Ymgynghoriad cyn gwneud cais statudol ar gyfer datblygiadau mawr

Rhaid i ddatblygwyr sy’n cynnig datblygiadau mawr yng Nghymru gynnal ymgynghoriad cyn gwneud cais statudol. Rydym yn rhoi cyngor cyn ymgeisio i ddatblygwyr am effaith bosib eu cynigion ar yr asedau hanesyddol canlynol:

  • henebion cofrestredig a’u lleoliadau
  • parciau a gerddi hanesyddol cofrestredig a’u lleoliadau
  • tirweddau hanesyddol cofrestredig
  • Safleoedd Treftadaeth y Byd.

Nid ydym yn darparu asesiadau cyn ymgeisio am effaith debygol y datblygiad ar adeiladau rhestredig neu ardaloedd cadwraeth gan mai’r awdurdodau cynllunio lleol sy’n ystyried y rhain.

Hefyd, rydym yn cynghori datblygwyr am y wybodaeth sydd angen ei chynnwys gyda’u ceisiadau cynllunio er mwyn sicrhau bod pawb yn ystyried yr amgylchedd hanesyddol yn llawn.