Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Drwy gydol Haf 2023, bydd cerfluniau ffotograffig sfferig yn cael eu gosod mewn lleoliadau Cadw ar draws y wlad gan gynnwys Abaty Tyndyrn, Castell Caernarfon a Harbwr Porthgain fel rhan o fenter ‘Blwyddyn Llwybrau’ Croeso Cymru.

Mae ffotograffiaeth clirlun 360-gradd wedi'i ddefnyddio i greu naw cerflun ffotograffig sfferig penodol i leoliad er mwyn ffurfio llwybr y gosodiad celf. Bydd y cerfluniau’n cael eu hailosod ym mhob safle lle tynnwyd y ffotograffau, gan roi cyfle i ymwelwyr weld tirnodau treftadaeth mwyaf trawiadol Cymru o safbwynt unigryw, sfferig.

I ddathlu, rydym am i chi rannu llun o’r creiriau mewn un o’r naw lleoliad ar draws y wlad gyda’r hashnod #CrairLunCadw am gyfle i ennill aelodaeth Cadw am flwyddyn. P'un a ydych chi'n dewis tynnu hunlun, saethiad o’r olygfa neu rywbeth mwy creadigol, byddem wrth ein bodd yn gweld eich lluniau.

Mae'r broses yn syml:

  • uwchlwythwch ddelwedd o un o'r naw crair a fydd yn mynd ar daith o amgylch safleoedd Cadw'r haf hwn
  • tagiwch @cadwcymruwales ar Instagram, @CadwWales ar Facebook, neu @cadwcymru / @cadwwales ar Twitter
  • dilynwch ein tudalen Instagram, Facebook neu Twitter
  • defnyddiwch yr hashnod #CrairLunCadw
  • bydd y post sy'n derbyn yr ymateb gorau gan weddill y cyhoedd yn ennill. Bydd yr enillydd yn cael sylw ar gyfryngau cymdeithasol Cadw a byddant yn derbyn aelodaeth Cadw am flwyddyn* — gan ganiatáu i chi archwilio hyd yn oed mwy o’n safleoedd mawreddog AM DDIM!

*Ydych chi’n aelod yn barod? Mi fyddwch yn gallu adnewyddu eich aelodaeth Cadw bresennol os ydych chi’n llwyddiannus.

photosphere at Blaenafon ironworks

Lleoliadau a Dyddiadau 2023:

Am restr llawn o leoliadau a dyddiadau ar gyfer taith y gosodiad celf hwn, cliciwch yma

Telerau ac Amodau

  • Y dyddiad cau ar gyfer y gystadleuaeth yw 11.59yh ddydd Sul 27 Awst 2023.
  • Rhaid i'ch llun gael ei rhannu o fewn adran sylwadau post Cadw neu ei phostio'n organig ar Facebook, Instagram neu Twitter.
  • Rhaid i bawb sy’n cystadlu yn y gystadleuaeth dagio @cadwcymruwales, dilyn @cadwcymruwales a defnyddio’r hashnod #CrairLunCadw.
  • Bydd llun yn cael ei ddewis ar hap.
  • Gellir cyhoeddi enw’r enillydd ar gyfryngau cymdeithasol Cadw ynghyd â’u cais buddugol.
  • Cystadleuaeth agored i aelodau Cadw a rhai nad ydynt yn aelodau Cadw. Wrth hawlio eich gwobr o aelodaeth dewiswch rhwng aelodaeth newydd neu adnewyddu.
  • Byddwn yn cysylltu â’r enillydd trwy neges uniongyrchol o fewn 10 diwrnod i’r dyddiad gorffen i gadarnhau mai nhw yw’r enillydd, gyda chyfarwyddiadau ar sut i hawlio eu gwobr. Gwneir ymdrechion rhesymol i gysylltu â'r enillydd. Os na fydd yr enillydd yn ymateb o fewn 7 diwrnod, mae Cadw yn cadw'r hawl i gynnig y wobr i ymgeisydd arall.
  • Ni fydd y cynigion hynny nad ydynt yn enillwyr yn derbyn gohebiaeth bellach gan Cadw am eu cais.
  • Trwy gymryd rhan yn y gystadleuaeth, rydych chi'n derbyn telerau ac amodau'r gystadleuaeth arolwg cyffredinol hon.