Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Safle hanesyddol gyda rhywbeth at ddant pawb.

O goetir godidog a mannau chwarae naturiol, hudolus i hanes a chyfleoedd rhyfeddol ar bob troad, mae Bryn Beili yn berl hygyrch yng nghanol yr Wyddgrug.

Enwyd y lle ar ôl y castell mwnt a beili canoloesol a arferai sefyll yn falch yng nghanol y dref farchnad draddodiadol hon. Mae Bryn Beili yn barc cyhoeddus hyfryd ac iddo nifer fawr o wahanol ardaloedd i'w harchwilio. Cewch grwydro ymhlith adfeilion y castell, syllu ar Gylch yr Orsedd, mwynhau’r gofod tawel ac ymhyfrydu yn y golygfeydd syfrdanol – dyma’r lle perffaith i dreulio amser gyda ffrindiau a’r teulu.

Fel rhan o Drysau Agored, bydd taith dywys am ddim ar hanes y parc, dan arweiniad Gwirfoddolwyr Ymwelwyr Bryn y Beili. Bydd te a choffi i ddilyn yng Nghanolfan newydd Bryn y Beili. 

Mae angen archebu lle. I archebu eich lle, e-bostiwch baileyhill@moldtowncouncil.org.uk gan roi’ch enw, nifer y lleoedd sydd eu hangen, eich manylion cyswllt a’ch cod post.
Mae 25 lle ar gael ar bob taith.

Lleoliad - Canolfan Bryn y Beili, Ffordd Ddinbych, Yr Wyddgrug, Sir y Fflint CH7 1BL.
Mapiau Google 'Mold Castle'

Mae modd parcio ychydig funudau o gerdded o’r brif fynedfa, yn Sgwâr Griffiths, CH7 1DJ. (Bydd angen talu).
Mae modd i fysiau barcio ym Maes Parcio Stryd Newydd.
Mae gorsaf Drenau Bwcle 4.2 milltir i ffwrdd a dyma’r orsaf drên agosaf i’r Wyddgrug.
Yr orsaf fysiau agosaf yw Gorsaf Fysiau'r Wyddgrug, sydd yng nghanol y dref, hanner milltir i'r dwyrain o Fryn y Beili. Mae gwasanaeth bws yn rhedeg yn rheolaidd i/o drefi cyfagos, a gwasanaeth bws rheolaidd rhwng gorsaf drenau Caer a gorsaf fysiau’r Wyddgrug.

Nid oes modd parcio ar y safle ar unrhyw adeg. 

Mae Canolfan Bryn y Beili a’i chyfleusterau yn hygyrch i bawb. Fodd bynnag, oherwydd natur y safle, nid yw’r parc yn hygyrch i bawb

Prisiau

Am Ddim