Drysau Agored - Perllan Sain Ffraid, Sain Ffraid
Mae Perllan Treftadaeth Sain Ffraid wedi'i lleoli ym mhentref Sain Ffraid yn Sir Benfro, ym Mharc Cenedlaethol Arfordir Penfro. Mae'r berllan yn rhan o'r ardd furiog sy'n cynnwys coed ffrwythau hynafol a hefyd rhai nodweddion archeolegol diddorol.
Mae hwn yn gyfle unigryw i ymweld â'r berllan, nad yw fel arfer ar agor i'r cyhoedd. Bydd digon yn digwydd, gan gynnwys gweithgareddau crefft i blant, gwasgu afalau, taith hanes hunan-dywysedig, llwybr afalau a mwy. Bydd ceidwaid wrth law i siarad am y berllan dreftadaeth a'r coed afalau hynafol a geir ynddi.
Efallai yr hoffech chi fynd am dro hamddenol o amgylch y berllan a mwynhau’r awyrgylch, neu ddod â blanced a chael picnic yn yr ardd furiog.
Bydd y digwyddiad yn cael ei gynnal y tu mewn i'r ardd furiog.
Bydd modd parcio ceir yn rhad ac am ddim ar y safle
Mae hwn yn ddigwyddiad awyr agored sy’n dibynnu ar y tywydd. Os caiff y digwyddiad ei ganslo, bydd hyn yn cael ei hysbysu trwy wefan y berllan a sianeli cyfryngau cymdeithasol.
Nid oes angen archebu tocyn ymlaen llaw.
Cyfeiriad - Perllan Sain Ffraid, Sain Ffraid, Sir Benfro, SA623AJ.
Cyfeirnod grid SM803109
Prisiau
Amseroedd y digwyddiadau
Dyddiad | Amseroedd |
---|---|
Sad 27 Medi 2025 |
11:00 - 15:00
|