Drysau Agored - Plas yn Rhiw a Sarn y Plas

Darganfyddwch erddi syfrdanol Plas yn Rhiw, maenor o'r 17eg ganrif sy’n sefyll uwchben Bae Ceredigion. Crwydrwch yr ardd brydferth sy'n llawn blodau llachar, llwyni a gwelyau â gwrychoedd bocs. Mwynhewch gerdded trwy'r berllan, y ddôl a'r coetiroedd.

Er bod y tŷ ar gau ar hyn o bryd i gael ei adnewyddu, bydd un o'r ystafelloedd ar agor.

Gerllaw, mae Sarn y Plas, sy’n swatio o dan goedwig Plas yn Rhiw, yn fwthyn hanesyddol a fu unwaith yn gartref i’r bardd R.S. Thomas a'i briod, M.E. Eldridge.

Bydd mynediad am ddim i Blas yn Rhiw am y penwythnos (yr ardd yn unig, mae’r tŷ yn dal i fod ar gau ar gyfer gwaith adeiladu) a bydd Sarn y Plas ar agor i bobl fynd a dod dros y penwythnos. Hefyd y penwythnos hwn bydd digwyddiad lansio prosiect celf a barddoniaeth cymunedol a gynhelir yn Sarn y Plas.

Oriau agor ar gyfer Drysau Agored -
Gardd. 10:30am - 4:30pm.
Ystafell de. 10:30am - 4:30pm.
Sarn y Plas. 11am - 3pm.
Tŷ. 11am - 4pm.

Does dim angen archebu.

Cyfeiriad – Plas yn Rhiw, Rhiw, Pwllheli, LL53 8AB.

Cyfarwyddiadau - o Bwllheli: dilynwch yr A449 i Lanbedrog. Trowch i'r dde ar y B4413, gan ddilyn yr arwyddion brown ar gyfer Plas yn Rhiw tuag at Aberdaron.
O Nefyn: cymerwch y B4417 i Bengroeslon, yna ymunwch â'r B4413. Trowch i'r dde am Aberdaron neu i'r chwith am Bwllheli. Osgowch y lonydd cul mae’r Sat Nav yn eu hawgrymu.
O Aberdaron: dilynwch y B4413 am 8 milltir at arwydd Plas yn Rhiw. Mae parcio hygyrch ar y chwith. Mae'r prif faes parcio 80 llath i lawr yr allt ar y dde.
Parcio: mae'r prif faes parcio ar dro cyn bryn serth (mae yna arwyddion). Mae parcio hygyrch ymhellach ar y dde (lôn gul, ddim yn addas ar gyfer cerbydau llydan).