Drysau Agored - Tŷ’r Sesiynau

Mae Tŷ’r Sesiynau yn adeilad Fictoraidd a adeiladwyd yn wreiddiol i gartrefu dwy ystafell llys. Agorwyd Tŷ’r Sesiynau yn 1877 ar ôl cymryd 20 mlynedd i'w gwblhau. Adeiladwyd fel Llys Sesiwn Chwarter ar gyfer Sir Fynwy gyfan. Mewn gwir arddull Fictoraidd, mae’n berffaith gymesur, hyd yn oed o ran y defnydd o ddrws ffug er mwyn sicrhau'r cymesuredd hwnnw. Mae Tŷ’r Sesiynau, sydd bellach yn eiddo i Gyngor Tref Brynbuga, yn cynnig defnydd o Lyfrgell Mather ac Ystafell Llys Fictoraidd i'w llogi gan fusnesau, sefydliadau a'r Celfyddydau.

Yn ystod eich ymweliad gallwch weld ystafell lys Fictoraidd wreiddiol a chlywed straeon am droseddwyr a barnwyr, heb anghofio Casper yr ysbryd cyfeillgar! Ymunwch â'n taith i weld llyfrgell Mather Jackson a mentro i lawr i'r hen dwnnel sy'n arwain o'r doc. Cewch dynnu eich llun yn Sedd y Barnwr a dod o hyd i'r pisdy Fictoraidd. Mae'r teithiau'n para tua 30 munud. Nid oes angen tocynnau, dewch draw i fwynhau.

Dydd Sadwrn 19fed Medi 2026 - Digwyddiad Mynediad Am Ddim:

• Teithiau Tywys 30 munud o Dŷ'r Sesiynau o 10am – 4pm
• Arddangosfa a theithiau cerdded Alfred Russel Wallace

Tŷ’r Sesiynau 43 Stryd Maryport Brynbuga NP15 1AD