Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Paratowch i gael eich tywys yn ôl mewn amser i Ynys Môn yr oes a fu — cyfnod o hud a lledrith, helyntion a henebion.

Mae stori’r siambr gladdu ym Mryn Celli Ddu yn tywys darllenwyr yn ôl i’r cyfnod Neolithig, tua 5000 o flynyddoedd yn ôl. Adeiladwyd yr heneb fel bod yr haul yn tywynnu drwyddi ar Hirddydd Haf, sef diwrnod hira’r flwyddyn, gan ei gwneud yn galendr o garreg.

Claddfa gyntedd yw Barclodiad y Gawres, sy’n edrych dros arfordir gorllewinol Môn. Mae’r comic yn datgelu’r stori y tu ôl i’r digwyddiadau cymunedol hynafol ar y safle a’r cerfiadau cywrain y tu mewn i’r twmpath sy’n ein hatgoffa ni o’r adeiladwyr Neolithig a fu yno amser maith yn ôl.

Yn Llyn Cerrig Bach, mae’r stori’n ein tywys yn ôl 2000 o flynyddoedd pan gafodd lawer o eitemau hynafol eu gollwng yn y llyn ac yna’n adrodd sut y daethpwyd o hyd iddyn nhw - diolch i waith ditectif anhygoel dyn lleol o’r enw Williams Owen Roberts, yn ystod yr Ail Ryfel Byd.

Mae’r tri chomic yn cynnwys gemau a gweithgareddau hwyliog wedi’u hysbrydoli gan y safleoedd archeolegol a’r arteffactau a ddarganfuwyd yno.

Mae'r artist nodedig Pete Fowler, sy'n enwog am ei waith celf ar gyfer albymau Super Furry Animals a theganau Monsterism, wedi creu dau gomic am ddim sy'n dod â chwedlau Cymru'n fyw.

Mae Gwenllian yn sôn am hanes go iawn y dywysoges ryfelgar a arweiniodd wrthryfel yn y ddeuddegfed ganrif. Digwyddodd y frwydr y ceir ei hanes yn y comic, ger Castell Cydweli, a dyma'r lle i fynd i gael copi am ddim o'r comic.

Mae Branwen yn ailadrodd un o hen chwedlau'r Mabinogi. Pan mae Branwen yn cael ei chosbi am weithredoedd un o'i brodyr, mae ei brawd Brân - brenin a chawr - yn mynd i ryfel i ddial ei cham. Mae gan y chwedl draddodiadol hon gysylltiad â Chastell Harlech, ac mae copïau ar gael yn y safle trawiadol hwn gan Cadw.