Ffordd Cambria

Mae cymaint i’w weld ar hyd Ffordd Cambria — dyma gynllun pum diwrnod i’ch helpu i gynllunio eich taith.

Mae'r llwybr ysblennydd hwn yn rhedeg o'r de i'r gogledd trwy galon y wlad, gan ddilyn yr A470 yn bennaf. Mae'r amserlen teithio bum niwrnod hon yn cychwyn yn ein prifddinas Caerdydd ac yn gorffen yn nhref glan môr Fictoraidd Llandudno.

Cychwyn y daith yng Nghaerdydd. Tua 20 munud o Gaerdydd mae  atyniad anghyffredin ar gyfer denu  ymwelwyr sy'n ymwneud â gwneud arian! Yn ddiweddar, fe agorodd y Bathdy Brenhinol yn Llantrisant ei ddrysau i arddangos pob math o ddarnau arian, sut maen nhw'n cael eu gwneud, a pham fod arian mor bwysig i’n bywyd pob dydd. (Mae’r Bathdy yn gyfrifol am gynhyrchu darnau arian ar gyfer tua 100 o wledydd gwahanol).

Rydych chi mewn byr dro yng nghymoedd de Cymru. Mae Profiad Aur Du Parc Treftadaeth Rhondda/ Rhondda Heritage Park Black Gold Experience ger Pontypridd yn dwyn i gof y dyddiau pan roedd y cymoedd hyn yn ardaloedd glo pwysig oedd yn sail i’r Chwyldro Diwydiannol. Mae teithiau tywys tanddaearol ac arddangosfeydd rhyngweithiol yn hen Lofa Lewis Merthyr yn ail-greu bywyd garw ac arwrol glöwr Cymru.

Haearn, nid glo, oedd y diwydiant pwysicaf ym Merthyr Tudful. Mae Castell Cyfarthfa, plasty o'r 19eg ganrif a adeiladwyd gan feistr haearn pwerus, bellach yn amgueddfa ac oriel gelf gyda chasgliadau amrywiol. Mae’r casgliadau yn cynnwys replica o drên stêm cyntaf y byd yn ogystal â gwaith dau eicon ffasiwn a anwyd ym Merthyr sef Laura Ashley a Julien McDonald.

Aros dros nos: Merthyr Tudful

Dydd dau (tua 56 milltir/90km)

Diwrnod i ddarganfod a mwynhau Parc Cenedlaethol Bannau Brycheiniog a'r tiroedd eang sydd dan ofal yr Ymddiriedolaeth Genedlaethol. Un o’r ffyrdd hawsaf i ddarganfod y Bannau yw mynd ar daith trên ar hyd lein gul Reilffordd Mynydd Brycheiniog. Mae’r trenau stêm sydd wedi’u hadfer i’w cyflwr gwreiddiol yn teithio o gyrion gogleddol Merthyr hyd at odre copaon uchaf de Cymru. Mae’n daith 9 milltir /14 km o hyd ymlaen ac yn ôl.

Wrth yrru tua’r gogledd mae’n werth teithio ychydig oddi ar yr A470 yn Libanus i ymweld â Chanolfan Ymwelwyr Parc Cenedlaethol Bannau Brycheiniog (golygfeydd eang godidog, teithiau cerdded cofiadwy yn ogystal â gwybodaeth leol a lle arbennig i fwynhau paned).

Mae tiroedd eang ac agored y Bannau yn ddelfrydol ar gyfer marchogaeth a merlota. Mae Cantref Adventure Farm gerllaw Aberhonddu yn cynnig amrywiaeth o deithiau merlota gan gynnwys teithiau Antur Bannau Brycheiniog sy’n cynnig teithiau hanner diwrnod.

Aros Dros nos: Llandrindod

Dydd tri (tua 66 milltir/106 km)

Crystal Royal Welsh yn Rhaeadr yw’r unig wneuthurwr gwydr crisial sydd wedi’i greu â llaw sydd i’w gael yng Nghymru. Dyma eich cyfle i weld gwir grefftwyr yn arddangos eu sgiliau drwy ddilyn taith dywys drwy’r gweithdy. Bydd cyfle ar ddiwedd y profiad hwnnw i ymweld â’r siop sy’n arddangos casgliadau o wydr crisial gyda phob un ohonyn nhw wedi ei greu drwy chwythu gwydr a’i dorri a llaw i greu darn grisial unigryw.

Mae Rhaeadr ar stepen drws llynnoedd Cwm Elan. Dyma gyfres o gronfeydd dŵr a gafodd eu creu dros 100 mlynedd yn ôl. Galwch heibio i  Canolfan Ymwelwyr Cwm Elan cyn dilyn y ffordd fynyddig odidog sy'n ymdroelli heibio'r llynnoedd hyfryd hyn. Nid oes rhaid i chi yrru i'w mwynhau. Mae gwybodaeth ar gael yn y ganolfan am hurio beic a phob math o wybodaeth ddefnyddiol.

Rydych chi ychydig oddi ar yr A470 erbyn hyn ond mae’n werth ei gadael am y tro i weld y golygfeydd gwych. Mae’r ffordd fynyddig droellog o Gwm Elan yn eich arwain tuag at Gwmystwyth ac yna i Bontarfynach (Devil’s Bridge). Mae pont hynafol Pont y Gŵr Drwg (Bridge of the Evil Man) wedi’i guddio yn y ceunant coediog islaw’r ffordd. Gallwch ddilyn llwybr serth i lawr i’r ceunant os ydych chi’n teimlo’n egnïol.

Aros dros nos: Machynlleth

Dydd pedwar (tua 61 milltir/96km)

Lle braf i siopa ynddo i’w Canolfan Crefftau Corris sydd ar ochr yr A487 i’r gogledd o Fachynlleth. Mae yma naw stiwdio gelf sy’n arbenigo mewn crefftau mor amrywiol â gemwaith, crochenwaith, siocledi sydd wedi’u gwneud â llaw i gynhyrchu gin (‘Gorau yn Y Deyrnas Unedig’ Great British Food Awards 2017).

Ail ymunwch â’r A470 yn Cross Foxes (sydd â bar croesawgar a bwyty mewn tafarn hynafol sydd wedi’i addasu i ofynion heddiw). Tu hwnt I Ddolgellau mae’r tirlun yn newid o dir coediog i weundir a mynydd-dir agored. Mae’r bardd Hedd Wyn yn rhan anatod o hanes y gwr a fu’n ymladd yn y Rhyfel Byd Cyntaf ac a laddwyd yn Passchendale yn 1917. Bu laddwyd Hedd Wyn yn y frwydr a hynny cyn iddo wybod ei fod wedi ennill Cadair yr Eisteddfod Genedlaethol. Gallwch weld y ‘Gadair Ddu’ yn Yr Ysgwrn sef cartref y bardd sydd bellach wedi’i addasu i greu canolfan arbennig i ymweld â hi.

Mae’n werth troi oddi ar y briffordd hefyd I ymweld a Gerddi Plas Brondanw ger pentref Garreg.Gallwch hefyd ymweld â gerddi Eidalaidd Portmeirion a grewyd gan Syr Clough Williams-Ellis. Daeth ei dalent i greu gerddi trawiadol yn amlwg yma. Roedd ganddo’r dalent amlwg o weithio gyda’r tirlun o’i gwmpas ‘gan ddwyn y cyfan at ei gilydd i greu calon i’r ardd hon’.

Aros dros nos: Betws-y-Coed

Dydd pump (tua 21 milltir/34km)

Roedd Llanrwst yn cael ei adnabod fel ‘prifddinas’ dyffryn Conwy ar un tro a dyma hefyd oedd cartref y teulu Wynniaid oedd yn ddylanwadol iawn yn y gymdogaeth. Mae cartref y teulu Wynn sef Castell Gwydir yn blas Tuduraidd sy’n llawn awyrgylch heb son am ambell i ysbryd!

Ydych chi’n dal i edrych am fwy o anrhegion i fynd adref gyda chi? Os ydych chi, yna beth am alw heibio Melinau Gwlân Trefriw? Mae yma felin sy’n dal i weithio heddiw i gynhyrchu gwlanen Gymreig. Galwch heibio’r amgueddfa cyn troi eich golygon at y siop lle mae digon i’w weld a’i brynu.

Y lle nesaf i ymweld ag ef fyddai Antur Parc Eryri (Adventure Parc Snowdonia) sef y lagŵn syrffio cyntaf yn y byd sydd wedi’i leoli i mewn yn y tir. Mae’r lagŵn mawr (tua 1,000 troedfedd/300m o hyd) gyda thonnau mawr sy’n golygu y gallwch syrffio unrhyw amser!

Gorffennwch eich taith yn Llandudno, ein cyrchfan gwyliau mwyaf yma’n Nghymru.