Stori Matt

Yn sicr, cafodd Blwyddyn Antur ei dathlu yn safleoedd Cadw, pan dorrodd draig anferth o Gastell Caerffili Ddydd Gwˆ yl Dewi a hedfan i safleoedd ledled Cymru tros yr haf. Dyma sgwrs gyda Matt Wild o Wild Creations, y cwmni a greodd y creadur chwedlonol...

Pa un yw eich ffefryn o blith safleoedd Cadw? Castell Caerffili.

Beth yw’r peth gorau amdano? Dw i’n hoffi anferthedd y castell canoloesol yma sydd wedi gwrthsefyll y canrifoedd ac sy’n olygfa eiconig yng Nghymru.

A gawsoch chi eich synnu gan yr ymateb i’r ddraig? Mae wastad yn braf bod ein creadigaethau’n cael eu gwerthfawrogi ond roedd y storm gyhoeddus ac yn y cyfryngau y tu hwnt i ddisgwyliadau neb. Roedd y gefnogaeth gyhoeddus i’r ddraig a’r sylw ar y cyfryngau cymdeithasol yn anhygoel.

A oedd yna sialensiau wrth greu’r ddraig a theithio gyda hi? Yn eironig, yr her fwya’ oedd cael y ddraig i mewn i gestyll caerog. Roedd hi’n dipyn o dasg gwasgu draig i le cyfyng a godwyd i rwystro ymosodiadau.

Yn eich barn chi, pa mor bwysig yw ein henebion i Gymru’n gyffredinol? Mae’r henebion hyn yn bwysig iawn, nid yn unig o safbwynt hanesyddol ond hefyd o safbwynt economaidd. Mae hanes cyfoethog Cymru yn ein dysgu ni am y cyfnodau a’r cymdeithasau gwahanol y daethon ni ohonyn nhw ac na fydden ni’n gwybod dim amdanyn nhw fel arall. Ein hanes sy’n gwneud Cymru’n unigryw a dyna’r rheswm pam fod cymaint o bobl yn ymweld bob blwyddyn gan roi hwb sylweddol i’n heconomi ni.