Adnoddau Drysau Agored

Os bydd gennych ddiddordeb mewn cymryd rhan yn Drysau Agored fel trefnydd digwyddiadau neu berchennog adeilad, yna bydd Cadw yn rhoi amrywiaeth o adnoddau i'ch helpu i gynllunio diwrnod llwyddiannus.

Bydd y deunydd hyrwyddo am ddim ar gael ddechrau’r haf. Unwaith y byddwch wedi cyflwyno digwyddiad gallwch wneud cais amdano ar-lein. Anfonwch e-bost at open.doors@llyw.cymru i gyflwyno’ch cais a nodwch a hoffech gael baneri, byntin, bathodynnau, balŵns neu gymysgedd

Er mwyn eich cefnogi chi i sicrhau bod eich digwyddiad mor llwyddiannus â phosibl, byddwn yn darparu:

• yswiriant atebolrwydd cyhoeddus am ddim
• llyfryn i drefnwyr gan gynnwys canllaw ar gyfer trefnu digwyddiad, canllaw cyfryngau a thempled o ddatganiad i'r wasg
• posteri i hysbysebu'r digwyddiadau Drysau Agored ledled Cymru a phoster y gellir ei deilwra ar gyfer eich digwyddiad(au).
• ffurflenni gwerthuso
• sylw ar y wefan genedlaethol
• cyfle i gael eich amlygu yn yr ymgyrch cyfryngau genedlaethol
• canllawiau dros y ffôn neu dros e-bost.