Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Bydd digwyddiadau digynsail 2020 yn mynd i lawr mewn hanes — ond ym mis Ionawr mae Cadw yn dathlu canlyniadau o'r flwyddyn ariannol flaenorol, Ebrill 2019–Mawrth 2020.

Heddiw (12 Ionawr) mae’r gwasanaeth amgylchedd hanesyddol wedi rhyddhau ei adroddiad blynyddol am y cyfnod — gan ddatgelu refeniw incwm sy'n torri record o fwy na £8 miliwn.

Mae hyn yn gynnydd o 4% ar y flwyddyn flaenorol, ac mae Cadw yn nodi bod y llwyddiant hwn yn deillio o’r gwytnwch a ddangoswyd trwy’r pandemig — gan ddarparu cyllid ar gyfer popeth o brosiectau cadwraeth hanfodol i ddatblygu rhaglen docynnau ar-lein newydd erbyn haf 2020.

Dywed yr adroddiad, yn ystod Ebrill 2019 — Mawrth 2020, fod ymgyrchoedd a digwyddiadau arloesol Cadw — fel Gŵyl Hanes Plant ym mis Awst — wedi helpu i ddenu 1.26 miliwn o ymwelwyr i safleoedd hanesyddol Cymru, gan arwain at refeniw derbyniadau trawiadol o £4.7 miliwn.

Yn y cyfamser, fe gyrhaeddodd nifer aelodau Cadw uchafbwynt trawiadol, gyda 44,100 wedi'u cofrestru erbyn diwedd y flwyddyn ariannol — gan gynhyrchu incwm o bron i £1 miliwn.

Er bod stormydd mis Chwefror 2020 a chau pob safle Cadw ynghanol mis Mawrth wedi cael effaith, mae'r canlyniadau uchod yn rhoi'r sefydliad mewn lle da i wynebu’r argyfwng COVID-19 a ddilynodd — gan ganiatáu i'r gwaith craidd o ofalu am yr amgylchedd hanesyddol barhau, gan sicrhau budd busnesau lleol, cymunedau cynnal ac aelodau Cadw.

Mewn gwirionedd, mae Cadw wedi parhau i dyfu o ran ei aelodau ffyddlon trwy fisoedd anodd y pandemig — gyda 45,596 yn aelodau hyd yma a chyfradd cadw o flwyddyn i flwyddyn o 87%.

Gellir priodoli'r llwyddiannau hyn i raddau helaeth i werthoedd arweinyddiaeth, proffesiynoldeb, angerdd, creadigrwydd, dilysrwydd a pharch y sefydliad — a roddwyd ar waith gan fwrdd newydd sbon Cadw, a grëwyd yn 2019.

Ar ben hynny, mae holl waith Cadw yn cael ei lywio gan Flaenoriaethau ar gyfer Amgylchedd Hanesyddol Cymru — a gyhoeddwyd gan y Dirprwy Weinidog dros Ddiwylliant, Chwaraeon a Thwristiaeth, Dafydd Elis-Thomas, yn 2018. Diffinnir y blaenoriaethau hyn fel a ganlyn: gofalu am ein hamgylchedd hanesyddol, gwneud sgiliau yn bwysig, cyflawni trwy bartneriaethau, coleddu a mwynhau ein hamgylchedd hanesyddol a gwneud i'n hamgylchedd hanesyddol weithio er lles economaidd Cymru.

Ar ben hynny, mae holl waith Cadw yn cael ei lywio gan Flaenoriaethau ar gyfer Amgylchedd Hanesyddol Cymru — a gyhoeddwyd gan y Dirprwy Weinidog dros Ddiwylliant, Chwaraeon a Thwristiaeth, Dafydd Elis-Thomas, yn 2018. Diffinnir y blaenoriaethau hyn fel a ganlyn: gofalu am ein hamgylchedd hanesyddol, gwneud sgiliau yn bwysig, cyflawni trwy bartneriaethau, coleddu a mwynhau ein hamgylchedd hanesyddol a gwneud i'n hamgylchedd hanesyddol weithio er lles economaidd Cymru.

Gan ganiatáu i amddiffyn a chadwraeth treftadaeth barhau’n ddiogel yn ystod y pandemig, roedd y buddsoddiad hwn yn cwmpasu ystod enfawr o raglenni gwaith ar raddfa fach a mawr — gan gynnwys y rhai a gynlluniwyd ar gyfer Castell Caerffili, Llys Tretŵr a Phorth y Brenin yng Nghastell Caernarfon.

Mae adroddiad 2019-20 hefyd yn manylu ar fwy o ffocws ar ddatblygiad proffesiynol parhaus yn Cadw — blaenoriaeth bwysig gyda mwy na 40,000 o swyddi yng Nghymru yn cael eu cefnogi gan y sectorau adeiladu treftadaeth, yr amgylchedd hanesyddol a thwristiaeth treftadaeth.

Yn ystod y flwyddyn hon yn unig, cefnogwyd pum aelod eithriadol o staff i ymgymryd â chymwysterau allanol mewn cyfrifeg, marchnata, tywys teithiau a chadwraeth — yr olaf o'r rhain sy'n cael ei redeg gan y Gymdeithas Diogelu Adeiladau Hynafol.

Defnyddiwyd menter allanol, partneriaethau rhanddeiliaid, cymunedol a hanesyddol cymheiriaid hefyd i hogi'r amrywiaeth eang o sgiliau yn Cadw — o arbenigedd crefft draddodiadol a gwybodaeth archeolegol ddofn, i ddefnyddio technoleg arloesol a mentrau marchnata newydd.

Ar ben hynny, ym mis Medi 2019 roedd Cadw yn bartner gyda channoedd o gyrff treftadaeth gyhoeddus, breifat a gwirfoddol ar gyfer gŵyl flynyddol Drysau Agored. O dan arweiniad Cadw, gwelodd y digwyddiad mis o hyd 245 o berlau hanes cudd Cymru ar agor am ddim — gyda mwy na 34,000 o ymwelwyr yn cael eu croesawu ac yn cael cyfle i goleddu a mwynhau amgylchedd hanesyddol Cymru.

Dywedodd Gwilym Hughes, Pennaeth Cadw:

“Mae’r canlyniadau rhagorol yn ein hadroddiad ar gyfer 2019-20 yn dangos sut y llwyddodd Cadw i gyflawni ei gylch gwaith i amddiffyn amgylchedd hanesyddol Cymru, wrth wella mynediad y cyhoedd a gwneud i dreftadaeth Cymru weithio i gymunedau ac ymwelwyr fel ei gilydd.

“Ers hynny, mae tîm Cadw wedi brwydro yn erbyn sawl her ddigynsail — ond mae ein cylch gwaith yn ddigyfnewid. Cyn y Cyfnod Clo diweddaraf, buom yn gweithio'n ddiwyd i ailagor safleoedd yn ddiogel, parhau â'n gwaith cadwraeth critigol ac ymgymryd â gweithgareddau eraill sy'n codi ymwybyddiaeth o dreftadaeth Gymru.

“Mae'n hyfryd myfyrio ar lwyddiannau rhagorol y flwyddyn ariannol ddiwethaf — ond wrth i ni edrych yn ôl ar 2020 yn ei chyfanrwydd, hoffwn ddiolch yn ddiffuant i aelodau ffyddlon Cadw a'n hymwelwyr am eu cefnogaeth ddiwyro. Rydym mor ddiolchgar ac yn edrych ymlaen at eich croesawu’n ôl i’n casgliad o safleoedd hanesyddol — cyn gynted ag y gallwn.”

Dywedodd y Dirprwy Weinidog Diwylliant, Chwaraeon a Thwristiaeth, Dafydd Elis-Thomas:

“Yn 2019-20 ceisiodd Cadw ddod o hyd i ffyrdd newydd o ennyn diddordeb preswylwyr ac ymwelwyr fel ei gilydd yn hanes cyfoethog Cymru, i gyd wrth gyflawni’r blaenoriaethau amgylchedd hanesyddol a osodais yn 2018 — ac mae’n ddiogel dweud bod yr amcanion wedi’u cyflawni.

“Yn fwy na hynny, fe wnaeth y gwaith caled a gyflawnwyd a’r canlyniadau torri record a sicrhawyd yn ystod y cyfnod, baratoi’r ffordd i Cadw aros yn gryf, yn wydn ac yn gadarnhaol yn ystod rhai o fisoedd anoddaf 2020. Felly, wrth inni edrych ymlaen at yr hyn yr ydym i gyd yn gobeithio y bydd yn 2021 fwy disglair, hoffwn ddiolch i bawb yn Cadw am eu gwaith caled yn ystod 2019 a 2020. Mae eich ymroddiad wedi gwneud byd o wahaniaeth.

“Mae safleoedd Cadw yn chwarae rhan hanfodol wrth gyfrannu at economi twristiaeth Cymru, a gobeithiaf y bydd hyd yn oed mwy o bobl yn cael eu hannog i ddarganfod ein hanes diddorol wrth i Gymru edrych ymlaen at groesawu ymwelwyr eto, pan mae’n ddiogel gwneud hynny.”

I gael crynodeb llawn o ganlyniadau 2019-20 Cadw, edrychwch ar yr adroddiad swyddogol yma.