Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Castell Caerffili
Wedi ei gyhoeddi

Bydd castell mwyaf Cymru – Castell Caerffili – yn agor ar benwythnosau yn unig o’r wythnos sy’n dechrau dydd Llun, 15 Tachwedd, tan gyfnod y Nadolig, tra bydd Porthdy Mewnol Dwyreiniol yr heneb yn elwa o waith cadwraeth hanfodol.

Bydd gwaith adnewyddu i’r Porthdy Mewnol Dwyreiniol yn diogelu’r strwythur, gyda’r gwaith yn cynnwys gorchudd to newydd; gwarchod topiau’r waliau a’r tyrrau; trefniadau draenio newydd; ac atgyweirio ffenestri.

Oherwydd uchder y Porthdy – dros dri llawr – gall ymwelwyr ddisgwyl gweld sgaffaldiau am tua chwe wythnos, gyda mesurau iechyd a diogelwch llym ar waith tra bydd polau’r sgaffaldiau’n cael eu codi.

Caerphilly Castle - Inner East Gatehouse external view from inside grounds

Mae’r cyfan yn rhan o ddatblygiad gwerth £5m gan Cadw a phrosiect cadwraeth ar gyfer cawr cysglyd de Cymru, a fydd yn dechrau eleni ac yn para tan 2023.

Hoffai Cadw ddiolch i ymwelwyr ac aelodau Cadw am eu dealltwriaeth tra bydd Castell Caerffili yn agor ar benwythnosau yn unig. Mae’r cau tymor byr hwn yn ein galluogi i warantu iechyd a diogelwch ymwelwyr tra bod y gwaith hanfodol hwn yn mynd rhagddo.