Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Bydd gwaith celf a grëwyd gan Pete Fowler fel rhan o brosiect Cymru Ryfedd a Chyfareddol yn teithio ledled Cymru yn ystod yr haf.  Bu’r arlunydd blaenllaw o Gymru, Pete Fowler ynghyd â 30 o awduron gwadd, gan gynnwys Patrick Jones, Emily Blewitt, ac Aneirin Karadog, ar daith i gael golwg ar  rai o chwedlau Cymru yn ystod Hydref 2017, gyda chymorth gan yr Athro Sioned Davies, sy’n arbenigwraig ar y Mabinogi.

Cyflwynwyd y prosiect mewn partneriaeth rhwng Llenyddiaeth Cymru a Cadw, gwasanaeth amgylchedd hanesyddol Llywodraeth Cymru. Gan ymweld â chwech o safleoedd Cadw yng Nghonwy, Gwynedd, Caerffili, Sir Gaerfyrddin, Abertawe a Thorfaen, ymunodd aelodau o’r gymuned leol â Pete Fowler ymhob lleoliad ynghyd â rhai o brif awduron Cymru i greu straeon, cerddi a gwaith celf newydd yn seiliedig ar straeon gwych o’r ardal.

­­­­­­­Gan ddefnyddio’r gwaith a luniwyd ymhob lleoliad fel ysbrydoliaeth, lluniodd Pete Fowler chwe phaentiad trawiadol newydd  sy’n cwmpasu agweddau iasol, arswydus, trasig a chwedlonol.

Bydd arddangosfa o waith celf Pete Fowler, Cymru Ryfedd a Chyfareddol yn ymweld â'r lleoliadau canlynol yn ystod yr  haf:

  • Galeri Caernarfon: 1-14 Gorffennaf
  • Castell Caerffili: 1-2 Awst
  • Plas Mawr, Conwy: 5-30 Awst
  • Castell Oxwich: 1-28 Medi

 

Bydd y darnau creadigol yn cael eu dychwelyd i’r  lleoliadau a fu’n  ysbrydoliaeth iddynt a’u harddangos yn barhaol ar ôl i’r daith ddod i ben.

Penllanw  prosiect Cymru Ryfedd a Chyfareddol  oedd gosod  murlun anferth ar y Tŵr Dŵr yng Ngorsaf Reilffordd Caerdydd Canolog. Gellir prynu printiau o'r murlun o wefan  Llenyddiaeth Cymru https://www.llenyddiaethcymru.org/siop-llenyddiaeth-cymru/

Mae'r prosiect hwn yn bartneriaeth rhwng Llenyddiaeth Cymru â Cadw, Allotment Creative Development Services, Cyngor Dinas Caerdydd a Network Rail, ac fe’i cefnogir gan Lywodraeth Cymru drwy Gronfa Arloesi Cynnyrch Twristiaeth Croeso Cymru - i gefnogi Blwyddyn y Chwedlau 2017, ynghyd â Sefydliad Foyle a FOR Caerdydd. Am fwy o wybodaeth, ewch i http://www.gwladychwedlau.cymru/themes/weird-wonderful-wales