Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Llys a Chastell Tretŵr
Wedi ei gyhoeddi

Ar 21 Hydref, croesawodd Llys a Chastell Tretŵr grŵp o 28 o Hynafgwyr Windrush Cymru fel rhan o brosiect ehangach Cadw a Chyngor Hil Cymru.

Roedd heulwen yr hydref yn gefndir disglair i daith dywys arbenigol dan arweiniad Prif Geidwad Cadw, Ian Andrews.

Bu’r grŵp yn gwrando’n astud ar hanes y castell o’r 12fed ganrif a’r maenordy o’r 15fed ganrif. Bu’r lle ar un adeg yn gartref i Syr Roger Vaughan – aelod o un o’r teuluoedd Iorcaidd mwyaf pwerus yng nghanolbarth Cymru a chyfaill i’r ffigur hyd yn oed yn fwy pwerus, Syr William Herbert o Gastell Rhaglan.

Cafwyd arddangosiad ar foesgarwch mewn cegin ganoloesol gan un o geidwaid Cadw, Rose Waters, a ddangosodd sut i wneud Marchpanes (rhywbeth a ddefnyddid cyn marsipán). Yna arweiniwyd y grŵp i’r neuadd fawr a edrychai fel y gallai fod wedi ymddangos yn ystod gwleddoedd mawr teulu’r Vaughan yn ystod dyddiau eu gogoniant yn yr 1460au a’r 1470au.

Eglurwyd i’r ymwelwyr y trefniadau eistedd yn yr Oesoedd Canol. Y bwrdd mawr, wedi’i leoli ar yr esgynlawr ac wedi’i addurno â’r llestri bwrdd a’r lliain gorau, oedd y pwysicaf. Dyma lle byddai Syr Roger a’i westeion yn eistedd.

Yna, cymerodd yr Hynafgwyr amser i archwilio’r llawr cyntaf a chrwydro ar hyd y galeri pren — nodwedd wreiddiol o’r llys — cyn ymlacio mewn gardd bleser o’r 15fed ganrif sy’n cynnwys ffynnon ddiferol a choed almon, cwins a morwydd.

Mae Hynafgwyr Windrush Cymru yn grŵp rhagweithiol sy’n hyrwyddo dealltwriaeth o bryderon ac anghenion pobl hŷn o leiafrifoedd ethnig. Maen nhw hefyd yn dathlu cerrig milltir allweddol a nodi cyfraniadau pobl o dras Affricanaidd. I nifer o’r grŵp, dyma’r tro cyntaf iddyn nhw ymweld ag un o henebion Cadw ac fe fynegodd llawer ohonyn nhw awydd i archwilio mwy o’n safleoedd yn y dyfodol.

Tretower Court visitor takes photograph in gardens

Trydarodd Cyngor Hir Cymru:

Diolch i @cadwwales am gymryd yr amser i’n tywys o amgylch Llys a Chastell Tretŵr ddoe. Roedd hi’n wych gweld cymaint o wynebau yn yr heulwen.

I gael gwybod mwy am Lys a Chastell Tretŵr, ewch i’n gwefan: Llys a Chastell Tretŵr

Dilynwch Cadw ar y cyfryngau cymdeithasol: Facebook @CadwWales | Twitter @cadwcymru