Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Yr wythnos hon mewn cyfarfod a gynhaliwyd yn Fuzhou, Tsieina, cymeradwyodd Pwyllgor Treftadaeth y Byd arysgrif Tirwedd Llechi Gogledd Orllewin Cymru ar Restr Treftadaeth y Byd, gan ddod â nifer y Safleoedd Treftadaeth y Byd yng Nghymru i bedwar.

Mae Tirwedd Llechi Gogledd Orllewin Cymru yn ymuno â Chestyll a Muriau Tref y Brenin Edward yng Ngwynedd, Tirwedd Ddiwydiannol Blaenafon a Thraphont Ddŵr a Chamlas Pontcysyllte.

Mae Safle Treftadaeth y Byd Tirwedd Llechi yn dathlu’r cyfraniad a wnaed gan gymunedau chwareli Gwynedd i drawsnewidiad diwydiannol cymdeithas. Yn ei anterth yn ystod y 19eg ganrif, cafodd llechi o chwareli gogledd Cymru eu cario o amgylch y byd a gellir dod o hyd iddynt yn gorchuddio toeau adeiladau ar bron pob cyfandir. Gellir gwir ddweud bod “Cymru wedi toi’r byd”

Dan arweiniad Cyngor Gwynedd, mae’r arysgrif yn benllanw ar 15 mlynedd o waith caled gan bartneriaid, gan gynnwys Cadw, i gofnodi, diogelu a chydnabod etifeddiaeth fyw tirwedd llechi Gwynedd. 

Mae’r Safle Treftadaeth y Byd newydd yn eiddo cyfresol mewn chwe rhan, gan gynnwys tirweddau chwareli ysblennydd fel y Penrhyn, Dinorwig, Dyffryn Nantlle a Ffestiniog. Mae hefyd yn cynnwys Amgueddfa Lechi Cymru yn Llanberis, Castell Penrhyn a Rheilffyrdd enwog Ffestiniog a Thal-y-llyn, a adeiladwyd i gludo'r llechi o’r chwareli i farchnadoedd ledled y byd. Trawsnewidiwyd y ddau yn ddiweddarach, diolch i ymroddiad gwirfoddolwyr, yn rheilffyrdd treftadaeth. 

Gellir gweld manylion llawn y Safle Treftadaeth y Byd newydd ar ei wefan bwrpasol www.llechi.cymru