Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Cadw arolwg ar ôl ymweld

Mae Cadw, sy'n rhan o Lywodraeth Cymru, yn casglu adborth ar brofiad a barn ymwelwyr yn barhaus. Nod yr ymarfer casglu data hwn yw:

  • rhoi cyfle i ymwelwyr â safleoedd Cadw sydd â staff rannu adborth ar ôl eu hymweliad
  • i gasglu'r adborth hwn er mwyn deall pwy yw ein cynulleidfaoedd ar hyn o bryd, a nodi ein cynulleidfaoedd coll
  • defnyddio'r canfyddiadau i wella profiad yr ymwelydd ar safleoedd Cadw ac ehangu ein cynulleidfaoedd.

Llywodraeth Cymru yw'r rheolydd data. Bydd Cadw yn dileu data personol cyn ysgrifennu'r adroddiad ac ni fydd yn darparu data y gellir ei adnabod yn bersonol i eraill yn Llywodraeth Cymru oni bai eich bod yn gofyn i ni wneud hynny.

Bydd y wybodaeth a gesglir yn ystod y prosiect yn cael ei rhannu'n fewnol o fewn Cadw (Llywodraeth Cymru) mewn fformat dienw.

Bydd data dienw hefyd yn cael ei rannu gyda thîm ymchwil bach sydd wedi’i leoli rhwng Prifysgol Caerdydd a Phrifysgol Caerhirfryn sy'n gweithio ar FreeTxt, offeryn dadansoddi testun dwyieithog (Cymraeg/Saesneg). Ni fydd eich manylion personol (cyfeiriad e-bost) yn cael ei rannu fel rhan o'r prosiect.

Mae eich cyfranogiad yn yr ymchwil hon yn gwbl wirfoddol. Os hoffech gymryd rhan mewn raffl am aelodaeth Cadw, gofynnir i chi roi eich cyfeiriad e-bost. Bydd eich adborth o'r arolwg yn helpu Cadw i wella profiad yr ymwelydd ar y safle.

Hysbysiad Preifatrwydd

Diffinnir data personol o dan Reoliad Cyffredinol y DU ar Ddiogelu Data (GDPR y DU) fel 'unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol drwy gyfeirio at ddynodwr'.

Casglwyd eich cyfeiriad e-bost pan wnaethoch archebu ar-lein i ymweld â safle Cadw a defnyddir hwn i anfon dolen i’r ‘arolwg ar ôl ymweld’ atoch. Nid yw'n ofynnol i chi ddarparu unrhyw fanylion personol wrth gwblhau'r arolwg ac nid yw eich cyfeiriad e-bost na'ch cyfeiriad IP yn cael eu casglu wrth gwblhau’r arolwg. Felly, mae'r ymatebion i'r arolwg yn ddienw.

Fodd bynnag, gofynnir i chi am eich cyfeiriad e-bost os ydych am gymryd rhan yn y raffl am aelodaeth Cadw. Mae hyn yn gwbl wirfoddol, ac nid oes angen i chi roi eich cyfeiriad e-bost os nad ydych yn dymuno cymryd rhan. Bydd eich cyfeiriad e-bost yn cael ei gasglu mewn set ddata wahanol, nad yw'n gysylltiedig â'ch ymatebion i'r arolwg.

Os byddwch yn dewis cymryd rhan yn ein raffl ac wedi rhoi eich cyfeiriad e-bost ar ddiwedd yr arolwg, bydd Llywodraeth Cymru (Cadw) yn tynnu’r raffl ar y diwrnod gwaith cyntaf ym misoedd Mawrth, Mehefin, Medi a Rhagfyr, gan fod hwn yn arolwg parhaus. Cysylltir ag enillwyr y raffl a bydd gofyn iddynt hawlio eu gwobr o fewn pum diwrnod gwaith.

Ar bob dyddiad, byddwn yn dewis darpar enillwyr o'r raffl hyd at dair gwaith i ddod o hyd i enillydd ac os na chaiff y wobr ei hawlio ar ôl y cyfnod hwn, bydd y dynfa yn annilys ar gyfer y wobr benodol. Bydd y set ddata o gyfeiriadau e-bost y rhai sy’n cymryd rhan yn cael ei dileu heb fod yn hwyrach na 15 diwrnod gwaith ar ôl dyddiad tynnu'r wobr. Ar gyfer Telerau ac Amodau llawn y gystadleuaeth, ewch i https://cadw.llyw.cymru/telerau-ac-amodau

I’r enillwyr sy’n dewis derbyn y wobr, sef aelodaeth Cadw, bydd Cadw yn rhannu eich cyfeiriad e-bost gydag Golley Slater, asiantaeth trydydd parti, a fydd yn rheoli gweinyddiaeth gyffredinol eich aelodaeth Cadw; a Mediascene, a fydd yn gweinyddu dosbarthiad eich copi am ddim o gylchgrawn Treftadaeth yng Nghymru. Yna gofynnir i chi roi mwy o ddata er mwyn prosesu eich aelodaeth a bydd eich manylion, o'r pwynt hwn ymlaen, yn ddarostyngedig i'r Hysbysiad Preifatrwydd ar gyfer cynllun aelodaeth Cadw.

I gael rhagor o wybodaeth, ewch i'n polisi preifatrwydd Polisi preifatrwydd | Cadw (llyw.cymru). Ar gyfer Telerau ac Amodau llawn eich aelodaeth, ewch i Telerau ac amodau (llyw.cymru).

Ar y diwrnod gwaith cyntaf ym misoedd Mawrth, Mehefin, Medi a Rhagfyr bydd holl ddata'r arolwg yn cael ei drosglwyddo o SmartSurvey i ffeiliau prosiect Llywodraeth Cymru. Dim ond y tîm ymchwil fydd â mynediad i’r ffolderi prosiect hyn. Ar y pwynt hwn, byddwn yn dileu unrhyw fanylion adnabyddadwy sy'n ymddangos mewn ymatebion i gwestiynau agored.

Y sail gyfreithlon ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.

Mae cyfranogiad yn gwbl wirfoddol. Mae astudiaethau ymchwil fel hyn yn bwysig i Lywodraeth Cymru (Cadw) gasglu gwybodaeth a thystiolaeth ymarferol am ei gallu i gyflawni blaenoriaethau'r llywodraeth. Gellid defnyddio'r wybodaeth a gesglir yn yr ymchwil hon, er enghraifft, i:

  • benderfynu ble i fuddsoddi arian at ddibenion cadwraeth
  • penderfynu sut ac ymhle i wella profiad yr ymwelydd
  • cyfrannu at fentrau hyfforddi staff.

Mae gwybodaeth bersonol a roddir i Cadw yn cael ei storio ar weinydd diogel. Dim ond nifer cyfyngedig o weithwyr Cadw all gael mynediad at y data, a byddant yn defnyddio'r data hwn at ddibenion ymchwil yn unig.

Bydd eich ymatebion i'r arolwg a'ch cyfeiriad e-bost, os ydych am gymryd rhan yn y raffl, yn cael eu cadw mewn setiau data gwahanol.

Wrth gynnal arolygon, mae Cadw’n defnyddio rhaglen feddalwedd arolwg o'r enw SmartSurvey. Rydym wedi sicrhau bod Smart Survey yn cydymffurfio â GDPR y DU ac yn bodloni’n disgwyliadau o ran diogelwch unrhyw ddata a gesglir drwy'r feddalwedd. Caiff yr holl ddata ei brosesu yn y DU.

Bydd Cadw (Llywodraeth Cymru) hefyd yn rhannu data dienw gyda thîm ymchwil bach sydd wedi’i leoli rhwng Prifysgol Caerdydd a Phrifysgol Caerhirfryn fel rhan o'r prosiect FreeTxt, gan ddefnyddio rhaglen i drosglwyddo ffeiliau'n ddiogel. Mae FreeTxt yn offeryn dadansoddi testun dwyieithog (Cymraeg/Saesneg). Ni fydd eich manylion personol (cyfeiriad e-bost) yn cael ei rannu fel rhan o'r prosiect.

Mae gan Lywodraeth Cymru weithdrefnau i ddelio ag unrhyw achosion tybiedig o dorri rheolau diogelwch data. Os bydd achos tybiedig o dorri rheolau diogelwch data, byddwn yn rhoi gwybod i chi ac unrhyw reoleiddiwr perthnasol lle mae'n ofynnol yn ôl y gyfraith i ni wneud hynny.

Bydd yr holl ddata a gesglir drwy'r ymchwil hon yn cael ei adrodd mewn fformat dienw. Ni fydd yn cynnwys eich manylion cyswllt a bydd unrhyw wybodaeth adnabyddadwy mewn atebion penagored yn cael ei dileu.

Bydd yr holl gyfeiriadau e-bost a gedwir gan Cadw (Llywodraeth Cymru) yn cael eu dileu ar ôl cwblhau tynnu’r raffl am gyfnod eich ymateb. Tynnir y raffl ar y diwrnod gwaith cyntaf ym misoedd Mawrth, Mehefin, Medi a Rhagfyr. Bydd gan enillwyr bum diwrnod gwaith i ymateb ac os byddant yn methu â gwneud hynny, bydd y raffl yn digwydd hyd at ddwywaith eto. O'r herwydd, y cyfnod hwyaf ar gyfer cadw cyfeiriadau e-bost fydd 15 diwrnod gwaith ar ôl y diwrnod gwaith cyntaf y tynnir y raffl yn dilyn eich ymateb i'r arolwg.

Bydd holl ddata'r arolwg yn ddienw cyn cael ei drosglwyddo i ffolderi prosiect Llywodraeth Cymru, megis nodi testun mewn cwestiynau agored.

Ar gyfer holl enillwyr y wobr, bydd y wybodaeth a gedwir gan Golley Slater i brosesu eich aelodaeth yn cael ei chadw yn unol â'n polisi preifatrwydd aelodaeth Polisi preifatrwydd | Cadw (llyw.cymru).

O dan GDPR y DU, mae gennych yr hawliau canlynol mewn perthynas â'r wybodaeth bersonol a roddir gennych fel rhan o'r arolwg hwn; mae gennych yr hawl:

  • i gael mynediad at gopi o'ch data eich hun
  • i ni gywiro anghywirdebau yn y data hwnnw
  • i wrthwynebu neu gyfyngu ar brosesu (mewn rhai amgylchiadau)
  • i gael eich data wedi’i 'ddileu' (mewn rhai amgylchiadau)
  • i gyflwyno cwyn i Swyddfa'r Comisiynydd Gwybodaeth (ICO), sef y rheoleiddiwr annibynnol ar gyfer diogelu data.

Gallwch gysylltu â Swyddfa'r Comisiynydd Gwybodaeth yn:

Information Commissioner
Wycliffe House
Water Lane
Wilmslow
Cheshire
SK9 5AF

 

Ffôn: 01625 545 745 neu 0303 123 1113

Gwefan: Information Commissioner’s Office

Os oes gennych ragor o gwestiynau am sut y bydd y data a roddir fel rhan o'r astudiaeth hon yn cael ei ddefnyddio gan Lywodraeth Cymru (Cadw), neu os hoffech arfer eich hawliau gan ddefnyddio Rheoliad Cyffredinol y DU ar Ddiogelu Data, cysylltwch â:

Ceri Thomas

E-bost: cadwmarketing@llyw.cymru

Ffôn: 0300 062 5147

Gellir cysylltu â Swyddog Diogelu Data Llywodraeth Cymru yn:

Llywodraeth Cymru
Parc Cathays
Caerdydd
CF10 3NQ

E-bost: dataprotectionofficer@llyw.cymru