Drysau Agored - 12 – 14 Sgwâr y Neuadd, Dinbych

Arferai fod yn dafarn, â seler, stabl ceffylau a llofft wair.

Adeilad o gyfnod cynnar neu ail chwarter y 19eg ganrif gyda ffasâd ac iddo nodweddion diwedd y 19eg ganrif; adferwyd yn ystod y blynyddoedd diwethaf. Wedi'i restru oherwydd ei ddiddordeb arbennig fel adeilad cornel amlwg o'r 19eg ganrif sy'n dal â chymeriad allanol da. Saif oddi mewn i ardal gadwraeth y Dref. Mae mynedfa ganolog yn arwain at gwrt cefn, gyda'r mynedfeydd i rifau 12 a 14 yn arwain i'r chwith a'r dde yn y drefn honno. Mae gan ddrychiad Stryd y Parc fynedfa i'r dde eithaf. Ar hyn o bryd mae Alison’s Clothing Alterations, Bridge Park Candle Company, Cariad Balloons a Party Talo Holistic Counselling, Ceris Gratton-Jones Pilates Fitness Yoga yn defnyddio’r eiddo.

Bydd Penwythnos Drysau Agored Dinbych 2026 yn cael ei lansio ddydd Gwener 18 Medi 2026  gyda thaith hunan-yrru o amgylch y fro, ac yna darlith gyda'r nos yn Theatr Twm o'r Nant, "Adfer ac ail-leoli Melin Brwcws ar gyfer y dyfodol". Dros y ddau ddiwrnod canlynol, dydd Sadwrn 19 a dydd Sul 20 Medi 2026, bydd tri deg o safleoedd hanesyddol pwysig yn yr ardal ar agor i'r cyhoedd. Bydd gweithdai i blant, teithiau tywys a sioe ryngweithiol hefyd yn cael eu cynnal. Bydd gwasanaeth archebu digwyddiadau gyda lleoedd cyfyngedig ar gael drwy Lyfrgell Dinbych, yn nes at y penwythnos. Bydd rhagor o wybodaeth ar gael yn www.darganfoddinbych.cymru a https://www.facebook.com/opendoorsdenbighshire

Rhif 12 a 14 Sgwâr y Neuadd, Dinbych, LL16 3NU

Yng Nghanol y Dref. Mae bysus yn stopio ar y Stryd Fawr. Bysus 51 a 52 i Ddinbych.

Tu ôl i Lyfrgell Dinbych.