Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Ysbrydoli'r dyfeiswyr nesaf yw'r nod yn Amgueddfa Parc Howard.

Mae'r arddangosfeydd newydd sbon yn arddangos rhai o'r syniadau a'r dyfeisiadau gorau sydd wedi deillio o Lanelli. Mae llawer o bobl yn gwybod am olwyn sbâr gyntaf y byd - y Stepney - ond oeddech chi'n gwybod bod sylfaenydd Specsavers wedi'i eni yn y dref? Mae Llanelli wastad wedi bod yn lle sy’n llawn newid ac arloesi.

Ac nid dyna'r cyfan. Fe'ch gwahoddir i archwilio, trafod a chwarae gyda'ch gilydd yn oriel Imaginarium, gan mai dyma'r ffordd orau o ddysgu a gwneud synnwyr o'r byd. Mae chwarae, dychymyg a chreadigrwydd wedi dylanwadu ar deganau, diwylliant poblogaidd a darganfyddiadau gwyddonol, hyd yn oed. Taniwch eich dychymyg drwy ddatrys pos y pyramid. Neu syllwch mewn rhyfeddod ar ddelweddau hardd y caleidosgop. Efallai y gwnewch chi hyd yn oed ddarganfod dirgelwch Ysbryd Pepper!

Darganfyddwch Amgueddfa Parc Howard ar ei newydd wedd!
I gael cyfle i archwilio casgliadau a straeon yr amgueddfa yn fwy manwl, ymunwch ag un o'r teithiau dan arweiniad arbenigwyr a phrofi ffordd newydd o fwynhau'r amgueddfa.
Mae nifer y lleoedd wedi'u cyfyngu i ddim ond 30 y dydd, felly peidiwch â cholli eich cyfle! Ewch i wefan CofGâr a dilynwch y ddolen archebu i sicrhau eich lle heddiw.

Rhaid archebu lle ar gyfer y teithiau. Bydd dwy daith am ddim, ar gyfer uchafswm o 15 o bobl yr un, ar gael bob dydd am 11am a 2pm. Bydd y teithiau’n para am oddeutu awr.
Bydd Amgueddfa Parc Howard ar agor i ymwelwyr rhwng 10am a 5pm ar y ddau ddiwrnod.

Gallwch archebu eich lle am ddim drwy:
Gwefan: https://cofgar.cymru/
Ebost: info@cofgar.wales
Ffôn: 01554 742220 (yn ystod oriau agor)
Wyneb yn wyneb

Cyfeiriad - Amgueddfa Parc Howard, Heol Felinfoel, Llanelli, Sir Gaerfyrddin, SA15 3LJ.

Gellir dod o hyd i gyfarwyddiadau i'r eiddo yma: https://cofgar.cymru/amgueddfa-parc-howard-arall/teithio-cynaliadwy/
Gellir dod o hyd i wybodaeth hygyrchedd am yr eiddo yma: https://cofgar.cymru/amgueddfa-parc-howard-arall/canllaw-hygyrchedd-amgueddfa-parc-howard/

Nid oes lle parcio yn yr amgueddfa, ond mae sawl maes parcio cyhoeddus o fewn pellter cerdded hawdd i'r amgueddfa.

Prisiau

Am ddim

Amseroedd y digwyddiadau

Dyddiad Amseroedd
Sad 13 Med 2025
11:00 - 15:00
Sul 14 Med 2025
11:00 - 15:00