Drysau Agored - Cadeirlan Casnewydd

Adeilad Normanaidd yn bennaf yw Eglwys Gadeiriol Casnewydd, gyda sylfeini Sacsonaidd, a ddechreuwyd tua AD500 fel man addoli Cristnogol ar ben Stow Hill, Casnewydd. Mae bwa Normanaidd eithriadol o dda, naf Normanaidd nodweddiadol (tua 1080), a thŵr canoloesol sy'n rhoi panorama godidog o'r ardal. Ymhlith yr ychwanegiadau modern mae ffenestr wydr wedi'i staenio ac ail-wneud gan John Piper (1962).

Addoldy lle gellir trawsnewid y gofod ar gyfer cynnal sawl math gwahanol o ddigwyddiadau e.e. Cyngherddau, Cynadleddau ayyb.

Bydd teithiau tŵr, os yn bosibl, gyda'r cyfle i ddringo'r 113 o risiau i'r brig, gyda golygfeydd anhygoel o ardal Casnewydd, ei bryniau cyfagos a Môr Hafren. Bydd rhagor o fanylion ar gael ar y diwrnod.

Mae teithiau tŵr ar gael i blant dros 8 oed, dan oruchwyliaeth. Nid yw'r teithiau'n ddoeth i oedolion sy'n fregus, nac yn dioddef o gyflyrau bregus.

Bydd hefyd cyngerdd canol dydd a thaith tywys o amgylch yr adeilad Sacsonaidd/Normanaidd godidog hwn.

Bydd lluniaeth ar gael a bydd y siop anrhegion ar agor. 

Mae mynediad, teithiau a'r cyngerdd yn rhad ac am ddim.

Cyfeiriad - Stow Hill, Casnewydd, NP20 4ED.

Mewn car: gadewch yr M4 ar gyffordd 27 a dilynwch yr arwyddion am ganol y ddinas. Ar ôl ¾ milltir cymerwch yr ail allanfa ar y gylchfan, parhewch ar hyd Heol Rhisga am tua 1.5 milltir, ac wrth i'r ffordd wyro i'r chwith mae'r eglwys gadeiriol ar y dde.
Parcio cyfagos: mae parcio ar gael ar Stow Hill. Y cyfnod aros hiraf yw 2 awr. Mae rhywfaint o lefydd parcio ar y stryd wrth ymyl y gadeirlan.

Ar fws: mae'n daith gerdded fer ond serth 10 munud o Orsaf Fysiau Casnewydd i fyny Stow Hill i'r gadeirlan.

Ar y trên: Mae trafnidiaeth rheilffordd yn gwasanaethu Casnewydd yn dda. Mae'n daith gerdded fer ond serth 10 munud o Orsaf Rheilffordd Casnewydd i fyny Stow Hill i'r gadeirlan.

Mae mynediad di-gam i'r gadeirlan ar gael - dylai ceir barcio o fewn y gadeirlan.

Does dim angen archebu lle.