Drysau Agored - Castell Penrhyn

Mae wyneb carreg ddramatig Castell Penrhyn yn cuddio mwy na dim ond ei adeiladwaith brics mewnol. Mae’r bensaernïaeth unigryw, y mannau mewnol a’r gelf gain, yn eistedd ochr yn ochr â hanes am gyfoeth siwgr a llechi. 

Dewch i ddarganfod hanes Castell Penrhyn, ei ystafelloedd eang, ei risiau neo-Normanaidd a’i geginau Fictoraidd.

Mae’r tiroedd helaeth yn berffaith ar gyfer crwydro a mwynhau golygfeydd ysblennydd o Eryri ac arfordir gogledd Cymru. 

Mae rhywbeth at ddant pawb ym Mhenrhyn; gallwch ddisgwyl yr annisgwyl yno.

Fel rhan o Benwythnos Drysau Agored, mae cyfle i ymwelwyr archwilio mawredd a moethusrwydd Castell Penrhyn. Mwynhewch daith gerdded drwy ystafelloedd ffurfiol godidog y Castell, a ddefnyddiwyd ar un adeg i ddifyrru gwesteion, a darganfyddwch y straeon y tu ôl i'r mannau trawiadol hyn. Parhewch â'ch taith i'r ceginau Fictoraidd, lle mae'r tân yn cael ei gynnau a'r awyr yn llawn arogleuon coginio traddodiadol, gan ddod ag arogleuon y gorffennol yn fyw. Yn ystod eich ymweliad, byddwch hefyd yn cael cyfle i wylio chwarelwyr o Amgueddfa Lechi Genedlaethol yn arddangos y grefft fedrus o hollti a thrin llechi.

Does dim angen archebu.

Cyfeiriad - Castell Penrhyn, Ffordd Llandygai, Bangor, Gwynedd, LL57 4HT.

Cyfarwyddiadau -
Gwasanaethau bws o Fangor a Caernarfon i Llandudno, mae milltir o gerdded o'r safle bws ar hyd dreif y castell.
Ar y ffordd tuag at Llandygai ar A5122. Mae arwyddion o gyffordd 11 ar yr A55. Ar gyfer Sat nav defnyddiwch LL57 4HT 
Parcio am ddim, 500 llath.