Drysau Agored - Eglwys Leicester, Dinbych

Dechreuodd Robert Dudley, iarll Caerloyw ac un o ffefrynnau Elisabeth I, adeiladu'r eglwys yn 1578.  Mae'n debyg bod yr eglwys yn rhan o gynllun yr Iarll i drosglwyddo'r Esgobaeth o Lanelwy i Ddinbych.  Cafodd y gwaith adeiladu ei atal yn 1584 ac nid oedd y strwythur wedi'i gwblhau pan fu farw'r Iarll. 

Yr adfeilion urddasol yw olion yr eglwys Brotestannaidd gyntaf a'r un fwyaf uchelgeisiol, fwy na thebyg, i'w hadeiladu ar ôl y diwygiad Protestannaidd. 

Bydd Penwythnos Drysau Agored Dinbych 2026 yn cael ei lansio ddydd Gwener 18 Medi 2026  gyda thaith hunan-yrru o amgylch y fro, ac yna darlith gyda'r nos yn Theatr Twm o'r Nant, "Adfer ac ail-leoli Melin Brwcws ar gyfer y dyfodol". Dros y ddau ddiwrnod canlynol, dydd Sadwrn 19 a dydd Sul 20 Medi 2026, bydd tri deg o safleoedd hanesyddol pwysig yn yr ardal ar agor i'r cyhoedd. Bydd gweithdai i blant, teithiau tywys a sioe ryngweithiol hefyd yn cael eu cynnal. Bydd gwasanaeth archebu digwyddiadau gyda lleoedd cyfyngedig ar gael drwy Lyfrgell Dinbych, yn nes at y penwythnos. Bydd rhagor o wybodaeth ar gael yn www.darganfoddinbych.cymru a https://www.facebook.com/opendoorsdenbighshire

Cyfeiriad: Leicester’s Church, Bull Lane, Denbigh, LL16 3LY.

I gyrraedd - O flaen y Llyfrgell ar y Stryd Fawr, trowch i'r chwith a cherddwch ar hyd Bull Lane i'r fynedfa i Furiau'r Dref, trowch i'r chwith a dilynwch y ffordd i'r Eglwys.

Safle bws: ar y Stryd Fawr. Bws 51, 52 i Ddinbych.