Drysau Agored - Eglwys Sant Twrog, Bodwrog, Sir Mon

O’r eglwys syml hon yng nghanol Ynys Môn cewch olygfeydd trawiadol i bob cyfeiriad a chyfle i fwynhau adeilad sydd wedi newid prin ddim ers oes Harri VII.

Mae Eglwys Sant Twrog yn dal i fod yn debyg iawn i sut fyddai wedi bod pan y’i codwyd hi yn y 15fed Ganrif. Ynghyd â'r drysau deheuol a gogleddol gwreiddiol, mae tair ffenestr wreiddiol hefyd wedi’u cadw yn y gangell, gan gynnwys ffenestr ddwyreiniol annisgwyl o grand mewn arddull Perpendicwlar â rhwyllwaith. Ychwanegwyd dwy ffenestr arall i'r gangell yn yr 17eg/18fed Ganrif, ac yn y 19eg Ganrif gosodwyd paneli dado pren, pulpud a desg ddarllen, seddau bocs, rheilen gymun syml, a tho newydd. Yn y clochdy yn y pen gorllewinol ceir un gloch gyda’r flwyddyn 1688 wedi’i arysgrifio arni.

Oddi ar y B5109

Bodwrog

Caergybi

Ynys Môn

LL65 3DQ

Cyfeirnod grid OS - SH 400 776

what3words - softest.saved.stream