Drysau Agored - Eglwys St Marcella, Dinbych

Adeiladwyd yr eglwys ar safle Eglwys Santes Marchell o'r 7fed ganrif, yn arddull dau-gorff nodweddiadol Dyffryn Clwyd, a’r hyn a welir heddiw yw canlyniad gwaith ailadeiladu a wnaed tua 1500. Yr Eglwys Wen oedd eglwys y plwyf i Ddinbych drwy gydol y canol oesoedd.

Dyma un o eglwysi pwysicaf Gogledd Cymru; mae’n eithriadol o hardd, mewn cyflwr da, a chanddi sawl cofeb o bwys. Y tu mewn ceir beddau’r mapiwr Humphrey Llwyd, aelodau o deulu grymus Salesbury, yn ogystal â chalon Richard Clough, y masnachwr o Ddinbych. Y tu allan ceir bedd Twm o'r Nant, y dramodydd a’r bardd o Ddinbych.

Bydd Penwythnos Drysau Agored Dinbych 2026 yn cael ei lansio ddydd Gwener 18 Medi gyda Thaith hunan-yrru o amgylch y Fro, ac yna darlith gyda'r nos yn Theatr Twm o'r Nant, "Adfer ac ail-leoli Melin Brookhouse ar gyfer y dyfodol". Dros y ddau ddiwrnod canlynol, dydd Sadwrn 19 a dydd Sul 20 Medi, bydd tri deg o safleoedd hanesyddol pwysig yn yr ardal ar agor i'r cyhoedd. Bydd gweithdai i blant, teithiau tywys a sioe ryngweithiol hefyd yn cael eu cynnal. Bydd gwasanaeth archebu digwyddiadau gyda lleoedd cyfyngedig ar gael drwy Lyfrgell Dinbych, yn nes at y penwythnos. Bydd rhagor o wybodaeth ar gael yn -
www.darganfoddinbych.cymru 
https://www.facebook.com/opendoorsdenbighshire/  

Does dim angen i chi ragarchebu tocynnau.

Cyfeiriad – Eglwys Sant Marcella, Ffordd yr Eglwys Newydd, Dinbych, Sir Ddinbych, LL16 4ER.
What3Words: (Eng)///splat.kitchen.easygoing 
(Cym)///diffiniad.diddan.gorsedd

Cyfarwyddiadau - o ganol tref Dinbych mae'n daith gerdded 25 munud i lawr Stryd y Dyffryn yna i'r dde ar hyd Ffordd Rhuthun gan gymryd yr ail allanfa wrth y gylchfan i Ffordd Whitchurch. Mae'r eiddo tua 200 metr i lawr y ffordd ar y chwith.
Mae gwasanaeth 51/52 o'r Rhyl, Rhuthun a Wrecsam yn stopio ar Ffordd Rhuthun yn agos i ddechrau Ffordd Whitchurch.