Drysau Agored - Llwyn Celyn

Saif Llwyn Celyn ar lannau’r Afon Honddu yn y Mynydd Du. Cafodd ei adeiladu yn 1420, ar diroedd Priordy Llanddewi Nant Hodni, ac maen un o’r adeiladau prin o’r cyfnod hwn sydd wedi goroesi.

Mae Llwyn Celyn yn llawn nodweddion canoloesol, nid yw wedi newid prin ddim ers oddeutu 1690. Mae wedi cael ei warchod a'i adfer yn ofalus gan y Landmark Trust, a bydd yr adeilad ar agor mewn cydweithrediad â Drysau Agored Cadw.

Yn ystod Drysau Agored, gallwch wylio a chymryd rhan mewn dangosiadau gwneud printiau, a dod â phrint unigryw adre gyda chi.

Nid oes angen archebu lle.

Cyfeiriad - Cwm-iou, Y Fenni, Sir Fynwy, NP7 7NE.

Mae Llwyn Celyn ychydig filltiroedd i'r gogledd o'r Fenni. O'r A465, trowch i mewn i bentref Llanfihangel Crucornau. Wrth dafarn y Skirrid Inn, dewiswch y ffordd tuag at Briordy Llanddewi Nant Hodni. Bydd Llwyn Celyn ar y chwith, tua milltir o’r pentref. Cod post yr eiddo yw NP7 7NE, gallwch ei ddefnyddio ar eich sat nav ac yna dilyn yr arwyddion parcio pan welwch hwy.
Am ragor o wybodaeth, cysylltwch â'r tîm Ymholiadau Archebu ar 01628 825925 neu anfonwch neges i booking@landmarktrust.org.uk. Mae'r Swyddfa Archebu ar agor o ddydd Llun i ddydd Gwener, 9am tan 5pm.