Drysau Agored - Yr Hen Reithordy, Penarlâg

Mae Archifau Gogledd Ddwyrain Cymru wedi'u lleoli yn yr Hen Reithordy ym Mhenarlâg, adeilad Sioraidd rhestredig Gradd II, gyda'i hanes ei hun yn dyddio'n ôl i'r 18fed ganrif. Yma, gallwch ymchwilio i hanes eich teulu, eich tŷ, eich ardal leol a llawer mwy. Mae’r cofnodion yn dyddio'n ôl i'r 13eg ganrif a hyd heddiw.

Thema eleni yw Ymchwilio i Hanes Tai yn Sir y Fflint, ac mae’n cynnwys sgyrsiau ac arddangosfeydd ar y maes ymchwil hwn. Yn y digwyddiad Drysau Agored gallwch hefyd fynd y tu ôl i'r llenni i'r Stiwdio Gadwraeth a'r ystafelloedd diogel, lle mae archifau hanesyddol Sir y Fflint yn cael eu cadw mewn storfeydd â’r amgylchedd wedi’i reoli.

10.00am     Taith gyntaf i'r ystafell ddiogel (45 munud) - uchafswm o 15 o bobl
11.30am      Ail daith i'r ystafell ddiogel (45 munud) - uchafswm o 15 o bobl
1.00pm     Trydedd taith i'r ystafell ddiogel (45 munud) - uchafswm o 15 o bobl

Mae angen archebu ar gyfer y teithiau.
Rhif Ffôn archebu 01244 532364; e-bost:  archives@newa.wales

Cyfeiriad - Yr Hen Reithordy,  Lôn y Rheithordy, Penarlâg, Sir y Fflint, CH5 3NR.

Cyfarwyddiadau - mae Archifau Gogledd-ddwyrain Cymru, Penarlâg wedi'i leoli yng nghanol pentref Penarlâg yn yr Hen Reithordy, Lôn y Rheithordy, Penarlâg, Sir y Fflint, CH5 3NR.
Mae digonedd o lefydd parcio am ddim o flaen yr adeilad (dilynwch yr arwyddion ar gyfer y maes parcio, gan droi i'r dde i lawr y llethr o flaen yr Hen Reithordy). 
Ar y trên - mae'r gorsafoedd trên agosaf ym Mhenarlâg a Chaer. Mae gan yr orsaf ym mhentref Penarlâg gysylltiadau uniongyrchol â Bidston (Cilgwri) ar gyfer newidiadau i Lerpwl, Shotton ar gyfer newidiadau i Gaer a Wrecsam Cyffredinol.
I gerdded i gangen Penarlâg o'r orsaf drenau mae angen i chi ddod allan o faes parcio'r orsaf a throi i'r dde pan fyddwch yn cyrraedd y brif ffordd. Ar ôl 5 munud o gerdded byddwch yn cyrraedd canol y pentref. Wrth y groesfan i gerddwyr, croeswch y ffordd a pharhewch i'r dde tan i chi gyrraedd y swyddfa bost. Trowch i'r chwith i lawr Lôn y Rheithordy (wrth ochr y swyddfa bost) a thrwy'r gatiau agored ar y diwedd. Mae'r Hen Reithordy o'ch blaen ac mae'r archifau ym mhen pellaf yr adeilad. 
O orsaf drenau Caer, mae bysiau rheolaidd i Benarlâg a bydd y daith yn cymryd tua 40 munud i 1 awr. Dewch oddi ar y bws gyferbyn â thafarn  y Glynne Arms, a chroeswch y ffordd i gerdded i lawr Lôn y Rheithordy (fel uchod).
Ar fws - enw'r safle bws agosaf yw'r Glynne Arms, Penarlâg. Ar ôl dod oddi ar y bws, trowch i lawr Lôn y Rheithordy (rhwng y Glynne Arms a’r Swyddfa Bost) a thrwy'r gatiau agored ar y diwedd. Mae'r Hen Reithordy o'ch blaen ac mae'r archifau ym mhen pellaf yr adeilad.

(Edrychwch ar wefan Arriva am ragor o fanylion.)