Skip to main content

Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Telerau ac Amodau Tynnu Gwobr Arolwg Cadw a Hysbysiad Preifatrwydd

Mae Cadw yn cynnig cyfle i ennill gwobr, fel y nodir ym mharagraff 6 isod yn unol â’r telerau ac amodau cyffredinol hyn sy’n ymwneud â chystadlaethau arolwg

  • bydd y gystadleuaeth yn para cyhyd â’r arolwg, neu am gyfnod amhenodol yn achos yr Arolwg ar ôl Ymweliad. Gall Cadw dynnu’r arolwg yn ôl ar unrhyw adeg
  • drwy gymryd rhan yn y gystadleuaeth rydych yn derbyn y telerau ac amodau cyffredinol hyn sy’n ymwneud â chystadlaethau arolwg
  • dim ond tocynnau a archebwyd ac a ddefnyddiwyd drwy’r system archebu ar-lein ar wefan Cadw fydd yn derbyn dolen e-bost i’r arolwg. Mae codau QR hefyd ar gael ar y safle mewn henebion Cadw sydd â staff
  • nid yw ymwelwyr sy’n rhan o grwpiau trefnwyr teithiau yn gymwys ar gyfer y gystadleuaeth hon.

Y Wobr

Aelodaeth Cadw am flwyddyn neu aelodaeth anrheg, neu adnewyddiad os ydych eisoes yn aelod.

Sut i gymryd rhan

I’r rhai sy’n archebu ar-lein, ar ôl eich ymweliad neu ddigwyddiad byddwch yn derbyn gwahoddiad i gymryd rhan yn yr arolwg. Cliciwch ar y ddolen i gwblhau’r arolwg.

I’r rhai na wnaethant archebu ar-lein, mae codau QR ar bosteri mewn safleoedd Cadw sydd â staff.

Cymhwystra

Er mwyn bod yn gymwys i gymryd rhan yn y gystadleuaeth, rhaid i ddefnyddiwr cofrestredig:

  • fod wedi ymweld â safle neu ddigwyddiad Cadw
  • fod yn 18 oed i gwblhau’r arolwg a chymryd rhan yn y tyniad gwobr
  • fod wedi ateb yr holl gwestiynau a nodwyd fel sy'n ofynnol yn yr arolwg
  • fod wedi cydsynio i gymryd rhan yn y gystadleuaeth yn yr arolwg
  • ni chânt fod yn gyflogai nac yn gyflenwr i Cadw na Llywodraeth Cymru
  • fod wedi cwblhau'r arolwg unwaith yn unig ar gyfer pob safle Cadw yr ymwelwyd ag ef.

Dewis enillydd a hawlio’r wobr

  1. bydd Cadw yn dewis enillydd ar hap bedair gwaith y flwyddyn ar 1 Mawrth, 1 Mehefin, 1 Medi a 1 Rhagfyr (neu'r diwrnod gwaith cyntaf yn dilyn y dyddiadau hyn)
  2. mae dewis enillwyr yn broses gwbl ar hap, lle nad yw Cadw yn dyfarnu unrhyw farn, ac ni fydd unrhyw ohebiaeth yn cael ei chynnal mewn perthynas â chystadlaethau
  3. ni fydd manylion adnabod enillwyr yn cael eu datgelu na'u cyhoeddi
  4. anfonir e-bost at yr enillydd yn gofyn iddynt gadarnhau’r wobr y maent am ei derbyn a’r cyfeiriad e-bost i’w hanfon ato — rhaid i enillwyr ymateb i’r e-bost o fewn 5 diwrnod i hawlio eu gwobr. Os na cheir ymateb o fewn 5 diwrnod, tynnir cofnod arall. Bydd hyn yn cael ei ailadrodd nes dod o hyd i enillydd
  5. bydd gwobrau a gaiff eu hawlio’n llwyddiannus yn cael eu hanfon at yr enillydd drwy e-bost o fewn 30 diwrnod i dderbyn eu e-bost hawlio
  6. ni fydd y cynigion hynny nad ydynt yn enillwyr yn derbyn gohebiaeth bellach gan Cadw ynglŷn â’u cynnig a bydd eu manylion cyswllt yn cael eu dileu
  7. drwy gymryd rhan yn y gystadleuaeth a derbyn y Telerau ac Amodau Cyffredinol hyn sy’n ymwneud â Chystadlaethau Arolwg, rydych chi’n rhoi caniatâd i Cadw ddefnyddio eich gwybodaeth bersonol i gysylltu â chi os byddwch yn ennill.

Mae'r Data Preifatrwydd llawn sy'n amlinellu sut rydym yn defnyddio'ch data i'w weld yma

Manylion yr Hyrwyddwr

Llywodraeth Cymru yw’r hyrwyddwr, Parc Cathays, Caerdydd, CF10 3NQ. Ffôn: 0300 060 4400. E-bost: customerhelp@gov.wales.