Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Beddrod Siambr Bryn Celli Ddu
Wedi ei gyhoeddi

Camwch yn ôl mewn amser ym Mryn Celli Ddu, ger Llanfair PG, ar gyfer digwyddiadau hanes byw a llên gwerin, sy'n ceisio archwilio tirwedd, defod, llên gwerin, a dathlu archaeoleg trwy ddehongli creadigol. 

Mae Bryn Celli Ddu yn un o'r safleoedd archeolegol enwocaf ym Mhrydain, roedd y beddrod 5,000-mlwydd-oed ar un adeg wedi’i adeiladu i thalu parch i weddillion y cyndeidiau.

Diwrnod Agored Archaeoleg Bryn Celli Ddu

Rhwng 11–4pm ar 15 Mehefin, bydd diwrnod agored i ddathlu cynhanes Cymru a thu hwnt yn cael ei gynnal ym Mryn Celli Ddu. Eleni rydym yn edrych yn fanwl ar archeoleg a hanes hynafol o Oes Neolithig ac Efydd Cymru a thu hwnt ac yn tynnu sylw at y defnydd o liw yn y gorffennol.

Trwy gydol y dydd, bydd y mynychwyr yn cael eu gwahodd i wylio arddangosiadau naddu fflint byw gydag arbenigwyr fflint Ancient Crafts; mynd ar daith archaeoleg ddwyieithog o amgylch yr heneb gyda'r hynafiaethydd enwog Rhys Mwyn; gwylio arddangosiadau o dechnegau gwneud celf carreg hynafol; drwodd i ddarganfod mwy am liwiau naturiol hynafol, pigmentau paent mwynol ocr a daeareg liwgar yr ynys gyda Stone Science.

GWREIDDAU Digwyddiad llên gwerin i ddathlu 10fed penblwydd

Rhwng 4–8pm ar 22 Mehefin 2024, gwahoddir ymwelwyr i ymuno ag archeolegwyr ac artistiaid yn Bryn Celli Ddu am brynhawn ddiddorol o sgyrsiau, teithiau a gorymdaith a pherfformiadau wedi’u hysbrydoli gan lên gwerin, wrth i ni ddathlu 10 mlynedd ers sefydlu’r prosiect.

Bydd y digwyddiad yn croesawu Ancient Ireland Music i’r safle, lle bydd atgynyrchiadau newydd o gyrn enwog Llyn Cerrig Bach yn cael eu chwarae ar y twmpath am y tro cyntaf erioed. Bydd sgyrsiau celf ac archaeoleg a gynhelir gan gyd-sylfaenydd Stone Club Matthew Shaw, yn cynnwys Kristoffer Hughes, Pennaeth Urdd Derwyddon Ynys Môn ac archeolegwyr y prosiect. Ymunwch yn ein gorymdaith llên gwerin lliwgar; archwiliwch ein ffos archaeoleg gyfredol, a darganfod ein talismans hynafol, wedi'u hysbrydoli gan y cloddiad; a gwyliwch wrth i'r safle ddod yn fyw gyda pherfformiad theatr ddefodol newydd gan yr artist o fri rhyngwladol Clare Parry-Jones.

Mae’r digwyddiad am ddim i’w fynychu, ond mae tocynnau’n hanfodol. Tocynnau ar gael o wefan Cadw.

Dywedodd Dr Ffion Reynolds, Rheolwr Treftadaeth a Chelfyddydau yn Cadw: 

“Mae Bryn Celli Ddu yn heneb anhygoel, ac yn safle gwych i hyrwyddo archaeoleg a hanes toreithiog Ynys Môn. Mae cyfuno hanes cyfoethog henebion archaeolegol a’r celfyddydau gyda digwyddiadau fel hyn yn helpu i agor y safleoedd i fwy o bobl fwynhau a dod â threftadaeth a hanes Cymru yn fyw mewn ffordd gofiadwy.”

I gael rhestr lawn o ddigwyddiadau’r haf, ewch i www.llyw.cymru/cadw, dewch o hyd i Cadw ar Facebook neu dilynwch @cadwcymruwales ar Instagram.

Perthynol

Be sy'n digwydd