Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Wedi ei gyhoeddi

Mae Cadw ac IHBC wedi uno i gynnig hyfforddiant arbenigol i Swyddogion Cadwraeth yng Nghymru ar raglen, er mwyn sicrhau bod gan bob un ohonynt y sgiliau cywir ar gyfer eu rolau canolog mewn cynllunio a threftadaeth a gofal amgylcheddol.

Dywedodd Ysgrifennydd Addysg IHBC, Chris Wood:

'Mae sicrhau bod swyddogion cadwraeth yn hyddysg a chanddynt adnoddau i fynd i'r afael â chynigion sy'n delio â newid hinsawdd yn hanfodol os yw penderfyniadau ar ôl-osod a gwaith arall yn mynd i fod y rhai cywir.'

'Yng Nghymru, mae'r IHBC, gan weithio gyda Cadw, wedi hwyluso cyrsiau hyfforddiant deuddydd ar gyfer swyddogion cadwraeth. Mae hyn hefyd yn eu galluogi i gyflawni'r cymhwyster a gydnabyddir yn y safonau BSI ar ôl-osod adeiladau traddodiadol, y Wobr Lefel 3. Cyrsiau wyneb yn wyneb yw'r rhain, a gynhaliwyd fis diwethaf yn Abertawe yn ne Cymru ac yn fwy diweddar yng Nghonwy yng ngogledd Cymru.'

Dywedodd Jill Fairweather, Rheolwr Sgiliau Amgylchedd Hanesyddol Cadw:

'Rydym yn falch iawn o gydweithio gyda'r IHBC i ddarparu'r hyfforddiant pwysig hwn yng Nghymru. Mae gwybodaeth a dealltwriaeth yn allweddol i wella effeithlonrwydd ynni adeiladau traddodiadol a hanesyddol.'

'Rydym yn annog pawb sy'n ymwneud â dylunio a gosod mesurau effeithlonrwydd ynni i ymgymryd â'r cymhwyster hwn.'

Cyflwynir y cyrsiau gan Gadeirydd Panel Technegol IHBC, yr Athro John Edwards, ymarferydd arbenigol ac addysgwr yn y pwnc. A dywedodd:

'Rydym yn falch o fod yn darparu'r hyfforddiant hwn a gweld Cadw yn manteisio ar y fenter i wneud iddo ddigwydd gyda ni'n hunain a'r IHBC. Mae'n golygu y byddem wedi hyfforddi bron pob swyddog cadwraeth yng Nghymru'.

Rydyn ni wedi creu canllawiau i unrhyw un sydd am wella effeithlonrwydd ynni adeilad traddodiadol neu hanesyddol. Mae rhesymau da dros wneud hyn, gan gynnwys gostwng allyriadau carbon a lleihau biliau tanwydd, ac yn aml gall wneud yr adeilad yn fwy cyfforddus i fyw neu weithio ynddo. Mae’n rhan o fyw'n fwy cynaliadwy hefyd: Sut i wella Effeithlonrwydd Ynni mewn Adeiladau Hanesyddol yng Nghymru