Hysbysiadau statudol ymgynghori heneb gofrestredig

Hysbysiadau ymgynghori heneb gofrestredig

Mae Deddf yr Amgylchedd Hanesyddol (Cymru) 2023 yn ei gwneud yn ofynnol i Weinidogion Cymru ymgynghori â pherchnogion, meddianwyr a phobl eraill os ydynt yn bwriadu cofrestru heneb, gwneud newid perthnasol i ardal gofrestredig neu dynnu heneb oddi ar y gofrestr. Rhaid i fanylion pob hysbysiad ymgynghori gael eu cyhoeddi'n electronig.

Gwarchodaeth interim — henebion cofrestredig

Bydd heneb yr ystyrir ei chofrestru neu ychwanegiad arfaethedig at ardal gofrestredig yn cael eu gwarchod yn y cyfnod interim hwnnw yn union fel pe baent wedi'u cofrestru eisoes. Bydd y warchodaeth interim yn parhau o ddechrau’r cyfnod ymgynghori tan i Weinidogion Cymru gyrraedd penderfyniad ar y dynodiad.

Hysbysiadau ymgynghori cyfredol heneb gofrestredig

Gallwch wneud cais am gopi o hysbysiad ymgynghori. Dylech anfon unrhyw gais, ynghyd â holl fanylion yr hysbysiad sydd o ddiddordeb ichi i flwch negeseuon e-bost Cadw.

Mae adran 35 o Ddeddf yr Amgylchedd Hanesyddol (Cymru) 2023 yn rhoi pwerau i Weinidogion Cymru gyflwyno hysbysiad gorfodi heneb gofrestredig er mwyn atal gwaith na chafodd ei awdurdodi ar heneb gofrestredig a gorchymyn bod gwaith yn cael ei wneud i atgyweirio neu leihau'r difrod sy'n deillio o hynny. Mae’n ofynnol hefyd o dan y Ddeddf i fanylion sy'n gysylltiedig â hysbysiad gorfodi gael eu cyhoeddi’n electronig.

Hysbysiadau gorfodi heneb gofrestredig

Gallwch wneud cais am gopi o hysbysiad gorfodi heneb gofrestredig. Dylech anfon unrhyw gais, ynghyd â holl fanylion yr hysbysiad sydd o ddiddordeb ichi i flwch negeseuon e-bost Cadw.