Castell Dolbadarn

Castell Cymreig ac unig warcheidwad Bwlch Llanberis yn Eryri

Mewn llecyn unig, uchel uwchben dyfroedd Llyn Padarn, roedd Castell Dolbadarn, a godwyd gan frodorion, yn arfer bod yn gyswllt hanfodol yn amddiffynfeydd teyrnas hynafol Gwynedd. Fe’i hadeiladwyd, yn fwy na thebyg, gan Llywelyn ap Iorwerth (Llywelyn Fawr) tua diwedd y 12fed ganrif neu ddechrau’r 13eg ganrif, a byddai’n cadw llygad ar y llwybr strategol mewndirol o Gaernarfon i Ddyffryn Conwy uchaf.

Erbyn hyn, y tŵr crwn cadarn yw prif nodwedd y safle, sy’n wahanol iawn ei olwg i’r llechi heb forter a ddefnyddiwyd i godi llenfuriau’r castell. Yn sefyll 50 troedfedd/15.2m o uchder, mae’n ddigon tebygol bod dyluniad y tŵr wedi’i ysbrydoli gan ddyluniad caerau tebyg a adeiladwyd gan wrthwynebwyr Llywelyn yng ngororau Mers y de.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Ar agor drwy'r flwyddyn yng ngolau dydd

Gwybodaeth i ymwelwyr

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Maes parcio Talu ac Arddangos

Mae maes parcio cyhoeddus â thâl yr awdurdod lleol ar gael ar draws y ffordd i'r castell.

Anhawster cerdded

Tirwedd: Lefel 3 — Cymedrol

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Mae'r safle tua 10–25 munud ar droed o’r man lle rydych chi'n parcio'ch car, a hynny ar hyd traciau fferm, a all fod yn fwdlyd, yn anwastad ac yn llithrig yn ystod tywydd gwael.

Mae'r llwybr i fyny i'r heneb yn mynd yn fwy serth wrth i chi gyrraedd y castell. Bydd gofyn i chi ddilyn llwybr naturiol at risiau'r castell.

Mae hen gerrig ar waelod y grisiau sy'n arwain at fynedfa'r castell. Gall fod yn anodd eu croesi pan fydd hi’n wlyb. Mae canllaw wedi'i ddarparu ar risiau’r brif fynedfa – defnyddiwch hwn a chadwch draw o ymylon allanol y grisiau.

Mae’r golau y tu mewn i'r heneb yn dibynnu ar lefelau golau naturiol a gall fod yn fwy pŵl yn ystod tywydd gwael. Bydd set o risiau adfeiliedig yn eich arwain i ben yr heneb, ac mae grisiau cyn cyrraedd y grisiau yma hefyd.

Mae rheiliau gwarchod wedi'u gosod i atal mynediad i unrhyw rannau o'r safle yr ydym wedi barnu eu bod yn beryglus neu i atal pobl rhag cwympo mewn mannau penodol.

Gall dringo arwain at anaf difrifol.

Peidiwch â dringo dros na drwy unrhyw reiliau ac ati sydd wedi’u gosod. Mae hyn yn cynnwys y castelliadau. Gall y castell fod yn agored i dywydd gwael, gan gynnwys gwyntoedd cryfion, a dylech ystyried hyn wrth gynllunio'ch taith.

Fel gyda phob heneb, mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru