Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Gwaith Brys ar gyfer Adeiladau mewn Perygl — Grantiau i Awdurdodau Lleol 2024-25

Mae gan Awdurdodau Lleol rôl bwysig o ran diogelu a gwarchod yr amgylchedd hanesyddol, gan weithio gyda pherchnogion a gwarcheidwaid adeiladau rhestredig i ddod o hyd i atebion pan fo adeiladau mewn perygl neu sefyllfa fregus.

Mae ganddynt hefyd y pwerau statudol o dan adran 54 Deddf Cynllunio (Adeiladau Rhestredig ac Ardaloedd Cadwraeth) 1990 i sicrhau bod gwaith sydd ei angen i ddiogelu arwyddocâd adeiladau rhestredig yn cael ei wneud yn brydlon.

Mae Cadw yn annog Awdurdodau Lleol i ddefnyddio’r pwerau hyn, ond yn cydnabod yr heriau ariannol y maent yn eu hwynebu wrth gyflwyno Hysbysiadau Gwaith Brys. Drwy’r grant hwn, gall Cadw helpu Awdurdodau Lleol i dalu costau paratoi a chyflwyno Hysbysiadau Gwaith Brys er mwyn diogelu cyflwr adeiladau rhestredig sydd mewn perygl ac mewn sefyllfa fregus.

Gall y grant gynorthwyo gyda’r canlynol:

  • costau sy’n gysylltiedig â pharatoi a chyflwyno Hysbysiadau Gwaith Brys o dan Adran 54 Deddf Cynllunio (Adeiladau Rhestredig ac Ardaloedd Cadwraeth) 1990, mae hyn yn cynnwys costau ffioedd ar gyfer cynghorwyr allanol yn unig
  • gwaith sy’n cael ei wneud mewn diffyg gan yr Awdurdod Lleol
  • er bod ffocws pennaf y grant ar gyflwyno Hysbysiadau Gwaith Brys, gall cyllid fod ar gael hefyd i gynorthwyo awdurdodau lleol i dalu costau cyflwyno hysbysiadau statudol eraill, sydd â’r nod o ddiogelu cyflwr adeiladau rhestredig mewn perygl, gan gynnwys hysbysiadau Adran 215 — fe’ch anogir i drafod y cynigion hyn gyda Cadw cyn cyflwyno’ch cais.

Bydd Cadw yn ariannu hyd at 80% o gyfanswm costau cymwys hyd at uchafswm o £50,000.

Rydym yn annog awdurdodau lleol i fanteisio ar y cyllid hwn ac rydym yn croesawu trafodaethau cynnar ar achosion penodol sydd gennych chi o bosibl. Anfonwch unrhyw ymholiadau at y tîm Grantiau Adeiladau Hanesyddol ym mlwch negeseuon e-bost Grantiau Cadw yn CADWGrantsMailbox@llyw.cymru

Yn llinell pwnc yr e-bost, dechreuwch gyda “Grant Gwaith Brys ALl”, yna enw’r ALl ac yna enw’r Eiddo.