Drysau Agored - Archifau Gwent yn y Swyddfeydd Cyffredinol

Mae Archifau Gwent yn Wasanaeth Archifau Awdurdodau Lleol Achrededig, sy'n casglu a chadw archifau sy'n ymwneud â hen sir Gwent ac yn eu gwneud yn hygyrch i’r cyhoedd. Mae'r archif wedi'i lleoli yn adeilad hanesyddol y Swyddfeydd Cyffredinol, a adeiladwyd yn 1913 fel adeilad gweinyddol ar gyfer Gwaith Dur Glynebwy.

Ewch i ymweld ag Archifau Gwent ar 26 Medi ar gyfer digwyddiad Diwrnod Drysau Agored. Dyma'ch cyfle i weld popeth sy’n digwydd y tu ôl i'r llenni a chlywed am y casgliadau.

Mae'r digwyddiad Diwrnod Drysau Agored hwn yn rhan o ddathliad ehangach o archifau a chofnodion Cymru drwy brosiect Archifau Cymru Byw a gynhelir ym mis Medi 2026. Mae archifau ar gyfer pawb, felly dewch i ymuno os oes gennych ddiddordeb mewn hanes, treftadaeth, diwylliant a chreadigrwydd.

Rhaid archebu lle ymlaen llaw. Pedair taith trwy gydol y dydd (10:15, 11:15, 13:00, 14:00), ac mae lle i ddeg ar bob taith. Ffoniwch neu e-bostiwch y canlynol i archebu lle -
enquiries@gwentarchives.gov.uk
01495 766261

Cyfeiriad - Archifau Gwent, Swyddfeydd Cyffredinol, Heol y Gwaith Dur, Glynebwy, NP23 6AA.

Cyfarwyddiadau - Trafnidiaeth gyhoeddus:
Mae gorsaf drenau tref Glynebwy wedi'i lleoli drws nesaf i'r Swyddfeydd Cyffredinol, ac mae trenau rheolaidd yn gweithredu o Gaerdydd Canolog. Mae gwasanaeth bysiau lleol da yng Nglynebwy. Mae'r orsaf fysiau wedi'i lleoli yn y dref, ac mae'r Swyddfeydd Cyffredinol i lawr y bryn oddi yno neu gellir defnyddio Ffordd Cebl Glynebwy. Mae yna arosfannau bysiau lleol gerllaw hefyd.

Mewn car:
O ffordd Blaenau'r Cymoedd yr A465 dilynwch yr arwyddion am Lynebwy, yna ar gyfer y Gweithfeydd / The Works a Chasnewydd ac yna arwyddion am y Swyddfeydd Cyffredinol. O'r M4 (De) dilynwch yr A467 i Aber-bîg ac yna'r A4046 i gyfeiriad Glynebwy.

Mae ychydig o lefydd parcio ar gael am ddim yn y maes parcio gyferbyn â'r adeilad neu ym maes parcio gorsaf reilffordd Tref Glynebwy gerllaw. Ar gyfer ceir trydan mae 6 pwynt gwefru trydan Math 2 (7.5kw) ar gael ar draws y ddau faes parcio, a weithredir trwy ap ffôn clyfar Connected Kerb. Mae maes parcio aml-lawr rhad ac am ddim ychydig ymhellach i ffwrdd (200m), wrth ymyl Campws Coleg Gwent ar Lime Avenue.

Mae Archifau Gwent ar lawr gwaelod y Swyddfeydd Cyffredinol, i gyd ar un lefel ac yn gwbl hygyrch i ddefnyddwyr cadair olwyn, sgwteri symudedd a phramiau. Mae mynediad hygyrch ar gael drwy’r fynedfa gefn ac mae toiledau hygyrch ar y llawr gwaelod. Mae'r ddau faes parcio agosaf at y Swyddfeydd Cyffredinol yn cynnwys lleoedd ar gyfer deiliaid bathodynnau anabl ynghyd ag ychydig o leoedd oddi ar Lime Avenue.

Mae dolen glyw yn ei lle yn yr Ystafell Ymchwil, a dylid newid cymhorthion clyw i'r safle 'T'. Mae holl staff Archifau Gwent yn hapus i roi cyngor ar eu gwasanaethau, eu cyfleusterau a'u casgliadau a gellir dod o hyd i ragor o wybodaeth am gymorth ychwanegol a'u hymrwymiad i hygyrchedd yn y Polisi Cynhwysiant a Hygyrchedd.