Drysau Agored - Canolfan Ddiwylliant Conwy

Mae Canolfan Ddiwylliant Conwy yn gartref i wasanaeth archifau a chasgliadau amgueddfeydd y sir, llyfrgell yr ardal a chaffi. Agorwyd y Ganolfan Ddiwylliant ddiwedd 2019, ac mae ar agor i bawb. Fodd bynnag, nid yw'r cyhoedd fel arfer yn cael mynediad i'r llawr isaf lle mae'r casgliadau archif a chasgliadau’r amgueddfa yn cael eu cadw mewn storfa oddefol, gan ddefnyddio ynni thermol y ddaear i gadw'r casgliadau ar dymheredd cyson.

Dewch i ymweld â Gwasanaethau Archifau ac Amgueddfeydd Conwy ar 25 a 26 Medi ar gyfer ein digwyddiad Diwrnod Drysau Agored. Dyma eich cyfle i weld popeth sydd y tu ôl i'r llenni! Mae'r digwyddiad Diwrnod Drysau Agored hwn yn rhan o ddathliad ehangach o archifau a chofnodion Cymru drwy brosiect Archifau Cymru Byw a gynhelir ym mis Medi 2026. Mae archifau ar gyfer pawb, felly ymunwch â ni os oes gennych ddiddordeb mewn hanes, treftadaeth, diwylliant a chreadigrwydd!

Mae yna 10 lle ym mhob digwyddiad, e-bostiwch archifau.archives@conwy.gov.uk neu ffoniwch 01492 577550 i archebu lle.

Canolfan Ddiwylliant Conwy, Town Ditch Road, Conwy, LL32 8NU

Parcio â bathodyn glas yn unig yn y Ganolfan Ddiwylliant; parcio am ddim ar gael yn ystod yr wythnos ym maes parcio'r clwb criced cyfagos. Mae amryw o feysydd parcio cyfagos lle mae angen talu ar gael hefyd. Mae bws rhif 5 Arriva yn stopio y tu allan i'r ganolfan, mae bysiau eraill yn stopio ychydig bellter i ffwrdd ac mae gorsaf drenau Conwy o fewn pellter cerdded byr. Mae Canolfan Ddiwylliant Conwy yn adeilad hygyrch. Dilynwch y ddolen am y stori gymdeithasol https://diwylliantconwy.com/ymweld-diwylliant/conwy-culture-centre/park…