Drysau Agored - Capel Annibynnol Lôn Swan

Capel Annibynnol yw Lôn Swan ac fe'i hadeiladwyd gyntaf yn 1742, a'i addasu yn 1812. Mae'r capel presennol, sydd â’r dyddiad 1839 arno, wedi'i adeiladu yn arddull gymesur Glasurol mynediad trwy’r talcen. Ychwanegwyd ffasâd fel addurn newydd yn arddull y Dadeni Eidalaidd ynghyd â’r Mans tua 1880 ac ysgoldy yn 1907. Mae’r tu mewn i'r capel yn gain gyda galeri siâp U wedi'i gynnal ar golofnau haearn bwrw ac mae organ fawr gan Bellamy o Ddinbych yn uchel y tu ôl i’r pulpud.

Mae Penwythnos Drysau Agored Dinbych 2025 yn lansio ddydd Gwener 19 Medi 2025 gyda darlith gyda'r nos yn archwilio gweithredoedd eiddo yn Theatr Twm o'r Nant. Dros y ddau ddiwrnod nesaf, dydd Sadwrn a dydd Sul 20 a 21 Medi 2025 rhwng 10am a 5pm bydd dros dri deg o safleoedd hanesyddol pwysig yn yr ardal ar agor i'r cyhoedd, ynghyd â sgyrsiau a theithiau tywys. Bydd gwasanaeth archebu ar gyfer y safleoedd, sgyrsiau a theithiau tywys sydd â nifer cyfyngedig o leoedd ar gael drwy Lyfrgell Dinbych, yn agosach at y penwythnos ei hun. Bydd rhagor o wybodaeth ar gael ar: https://darganfoddinbych.cymru https://twitter.com/OpenDoors_D   https://www.facebook.com/opendoorsdenbighshire/

Defnyddiwch yr wybodaeth a roddir am y lleoliad ar eich dyfais electronig neu'r map a ddarperir ar daflen Drysau Agored Dinbych 2025. ///what 3words: (CYM) ///paced.noswyl.rhagofal (ENG) ///haven.waking.sugar
Mae gwasanaethau Bysiau 51/51b a X51 yn gweithredu o'r Rhyl a Wrecsam i Ganol Tref Dinbych.