Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Ar 14 Gorffennaf 1931, defnyddiwyd allwedd aur i agor Capel y Tabernacl, capel hardd newydd ar gyfer y gymuned Gymraeg ym Mhorthcawl. Mae’r capel yn dal i fod yn fan addoli hyd heddiw, gyda gwasanaethau Cymraeg ar y Sul am 11:15am yn cael eu rhedeg gan yr Annibynnwyr.

Mae’r capel yn adeilad rhestredig Gradd II, ac mae’n cynnwys motiffau a phatrymau ‘art deco’ y tu mewn a’r tu allan, gwaith pren trawiadol a ffenestr fawr o wydr lliw, yn ogystal ag oriel sydd, yn anarferol, heb unrhyw bileri ac sy’n gwbl hunangynhaliol.

Y tu ôl i’r capel hanesyddol mae neuadd fodern a gaiff ei defnyddio ar gyfer amrywiaeth o weithgareddau cymunedol drwy gydol yr wythnos.

Mae croeso i bawb i’r diwrnod agored ddydd Sadwrn, 21 Medi rhwng 10am a 4pm.
Bydd arddangosfa o ffotograffau o Borthcawl yn y 1930au – er mwyn rhoi syniad o’r ardal yn y cyfnod pan agorwyd y capel. Bydd teithiau tywys o gwmpas y capel hefyd, a lluniaeth a gweithgareddau/gemau ar gyfer ymwelwyr iau.

Does dim angen archebu lle.

Ceir mynediad a thoiledau i’r anabl. Mae’r capel yn daith gerdded fer o ganol tref, glan y môr a gorsaf fysiau Porthcawl.

Cyfeiriad: Capel y Tabernacl, 18 Fenton Place, Porthcawl, CF36 3DW.

Cyfarwyddiadau. Trafnidiaeth gyhoeddus: Mae bysiau 63 ac X2 yn teithio i Borthcawl. Dewch oddi ar y bws yn y terminws ar John Street, yna cerddwch i fyny South Road am ychydig, cyn troi i’r chwith wrth dafarn y Seahorse ac i mewn i Fenton Place. Mae'r capel tua hanner ffordd i lawr y stryd ar y chwith.
Mae'r capel rhyw 5-10 munud o gerdded o'r prif feysydd parcio yng nghanol tref Porthcawl.

Prisiau

Am Ddim