Drysau Agored - Coleg Myddleton

Ym 1853, adeiladodd ymddiriedolaeth a sefydlwyd o ffortiwn Thomas Howell - masnachwr o'r 16eg ganrif - yr ysgol hon yn arddull colegol, llym, y cyfandir o’r cyfnod Gothig hwyr. Mae'r eiddo trawiadol, a elwir bellach yn Goleg Myddleton, yn cynnwys pum strwythur rhestredig gradd 2 godidog. Mae hyn yn cynnwys yr adain ogledd-ddwyreiniol ddiweddarach sy'n gartref i'r bloc gwyddoniaeth a'r cwadrangl a adeiladwyd ym 1914. Mae’r dehongliad cain hwn o’r 20fed ganrif o’r arddull Gothig colegol yn gydnaws ag arddull prif adeiladau’r ysgol. Hefyd, mae tri bloc o ystafelloedd cysgu o oddeutu 1930 wedi'u rhestru fel rhai sy'n nodweddiadol o bensaernïaeth ysgolion y cyfnod rhwng y ddau ryfel byd, sef dehongliad modernaidd, llai mawreddog o’r arddull Gothig rhydd.

Bydd Penwythnos Drysau Agored Dinbych 2026 yn cael ei lansio ddydd Gwener 18 Medi gyda Thaith hunan-yrru o amgylch y Fro, ac yna darlith gyda'r nos yn Theatr Twm o'r Nant, "Adfer ac ail-leoli Melin Brookhouse ar gyfer y dyfodol". Dros y ddau ddiwrnod canlynol, dydd Sadwrn 19 a dydd Sul 20 Medi, bydd tri deg o safleoedd hanesyddol pwysig yn yr ardal ar agor i'r cyhoedd. Bydd gweithdai i blant, teithiau tywys a sioe ryngweithiol hefyd yn cael eu cynnal. Bydd gwasanaeth archebu digwyddiadau gyda lleoedd cyfyngedig ar gael drwy Lyfrgell Dinbych, yn nes at y penwythnos. Bydd rhagor o wybodaeth ar gael yn -
www.darganfoddinbych.cymru 
https://www.facebook.com/opendoorsdenbighshire/

Bydd taith am 1pm ddydd Sadwrn 19 a dydd Sul 20 Medi.
Rhaid archebu lle ymlaen llaw.
Cysylltwch â Llyfrgell Dinbych ar 01745 816313 yn nes at amser y digwyddiad i archebu lle.

Lleoliad - Lôn Peakes, LL16 3EN.
what3words: (ENG) ///wishing.uttering.hurricane
(CYM) ///sgip.hafaliadau.dewch

Cyfarwyddiadau - o'r Llyfrgell/Tafarn y Guildhall cerddwch i lawr Stryd serth y Parc heibio i Bryn y Parc ac ar ôl 100 metr cymerwch y tro cyntaf i'r dde i mewn i Lôn Peakes. Os ewch chi’n syth ymlaen daw gatiau Coleg Myddleton i’r golwg bellter byr o’ch blaen.
Mae arosfannau bysiau yng nghanol y dref yn cael eu gwasanaethu gan y gwasanaeth 51/52 o'r Rhyl, Rhuthun a Wrecsam.