Drysau Agored - Parc a Chastell Dinefwr

Mae Tŷ hanesyddol Newton wedi'i amgylchynu gan Warchodfa Natur Genedlaethol a Pharc Ceirw wedi’i dirlunio sy’n dyddio o’r 18fed ganrif.

Maenordy o'r 17eg ganrif yw Tŷ Newton: gofod gydag arddangosfeydd ac ymyriadau cyfoes sy'n adlewyrchu amrywiol agweddau ar fywyd yn Ninefwr dros y canrifoedd. Mae'n gysylltiedig â Gardd y Ffownten, â golygfeydd eang allan i'r Parc Ceirw. 

Mae yno dros 800 erw o barcdir bryniog, dolydd a choedlannau, sy'n cynnwys Parc Ceirw canoloesol gyda llwybr pren hygyrch a llawer o goed hynafol.

Lleoliad - Tŷ Newton, Parc Dinefwr, SA19 6RT.

Cyfarwyddiadau. Ar y ffordd - Llywio Lloeren: Fydd defnyddio’r cod post ddim yn eich anfon i’r man cywir. Chwiliwch am 'Ymddiriedolaeth Genedlaethol Dinefwr'/’National Trust Dinefwr’ ar fapiau neu dilynwch yr arwyddion brown â deilen derwen arnynt yn lle hynny. Os ydych chi'n teithio i Ddinefwr o’r dwyrain neu’r gorllewin, defnyddiwch yr A40 i Landeilo neu defnyddiwch yr A483 os ydych chi'n teithio o Abertawe.
Parcio: Sylwch fod angen cerdded tua 50 llath o'r maes parcio i Dŷ Newton.
Llywio Lloeren: Peidiwch â defnyddio'r llywio lloeren gan na fydd yn eich anfon i’r man cywir. What3Words : Compelled : Trailer : Park
Ar y trên - yr orsaf agosaf yw Llandeilo, sydd 1.5 milltir o Barc Dinefwr. Mae Llinell Calon Cymru yn rhedeg tua'r de i Abertawe neu tua'r gogledd i Amwythig.

Mae’r amserlenni yn gyfyngedig felly gwiriwch ar-lein cyn i chi deithio.
Ar fws - gwasanaethau i Landeilo. Edrychwch ar www.traveline.cymru i weld yr amserlenni diweddaraf. Mae'r arhosfan bysiau agosaf i Barc Dinefwr ar Heol Caerfyrddin, Llandeilo.

Nid oes angen archebu ymlaen llaw.