Drysau Agored - The Pound

Dyma adeilad ar ei newydd wedd sydd bellach yn ganolfan weithgareddau i bobl hŷn. Wedi’i leoli wrth ymyl Castell yr Esgob ac yn yr hen gorlan ganoloesol i anifeiliaid, darganfuwyd tŷ neuadd canoloesol o dan yr adeilad yn ddiweddar yn dilyn gwaith cloddio archeolegol.

Bydd y Pound ar agor i'w weld, i ddysgu am drosi hen adeiladau yn ganolfannau cymunedol ecogyfeillgar. Hefyd, bydd Archif Ffotograffiaeth Cymdeithas Llandaf ar gael i'w gweld.

Dim angen archebu.

The Pound, 2 Clos y Gadeirlan, Llandaf, Caerdydd CF5 2HA

Mewn car – trowch i’r dde oddi ar Stryd Fawr Llandaf i’r maes parcio cyhoeddus. Bydd angen tocyn. Ar fws – camwch oddi ar y bws yn y Llew Du, cerddwch i fyny’r Stryd Fawr cyn belled â Chastell yr Esgob. Mae’r Pound gerllaw, ar ben Clos y Gadeirlan. Ar drên – camwch oddi ar y trên yng ngorsaf y Tyllgoed, cerddwch ar hyd Heol y Tyllgoed, trowch i’r dde ar Heol Caerdydd, ac i’r chwith i’r Stryd Fawr.