Drysau Agored - Sefydliad Llanhiledd

Mae Sefydliad y Glowyr Llanhiledd yn adeilad rhestredig Gradd 2 sy'n dal i fod yn ganolfan gymunedol ffyniannus,yn lleoliad digwyddiadau ac yn safle o ddiddordeb hanesyddol. Wedi'i agor ym 1906, eleni mae Sefydliad Glowyr Llanhiledd yn 120 oed ac rydym yn dathlu ein hanes gyda rhaglen o ddigwyddiadau unigryw a gynhelir drwy gydol y flwyddyn. Mae'r Sefydliad wedi cadw'r rhan fwyaf o'i nodweddion gwreiddiol ac mae’n ymestyn dros dri llawr, gyda’r Neuadd Ithel fawr yn ganolbwynt trawiadol a'n canolfan dreftadaeth fechan yn cynnig cyfle i ymwelwyr astudio arteffactau a lluniau a chofnodion o ddiddordeb.

Ar y 6 Medi 2026 byddwn yn cynnig teithiau tywys am ddim o amgylch y Sefydliad sy'n amlygu manylion hanesyddol ac yn dod â hanes cymdeithasol yr adeilad yn fyw. Bydd arddangosfa arbennig hefyd i’w gweld yn ein hystafell Ebwy Fach, sy'n cynnwys y murlun dathlu newydd a lansiwyd gennym fis Mawrth 2026. Yn ogystal, rydym hefyd yn gobeithio cynnig gweithdai creadigol am ddim i blant a phobl ifanc a fydd yn ennyn eu diddordeb yn hanes yr adeilad ac yn dod â'i hanes yn fyw. 

Rydym yn cynnal teithiau tywys o amgylch yr adeilad dan arweiniad aelodau o dîm y Sefydliad ac yn cynnig gweithdai crefft ar thema treftadaeth i blant a phobl ifanc. Bydd ein caffi ar agor i weini seigiau ar thema treftadaeth a byddwn hefyd yn gwahodd perfformwyr lleol i ganu yn y brif neuadd.

Dim ond ar gyfer teithiau o amgylch yr adeilad a'r gweithdai gweithgareddau plant y bydd angen archebu lle. Bydd ein system Eventbrite bresennol yn cael ei defnyddio i archebu lleoedd ar y gweithgareddau hyn am ddim. Bydd sawl slot amser ar gyfer y teithiau a'r gweithdai plant (tua 6 ar gyfer y ddau). Bydd rhagor o wybodaeth/manylion archebu ar ein tudalen Facebook, ar 01495 400204 neu ar enquiries@llanhillethinstitute.com

Cyfeiriad - Sefydliad y Glowyr Llanhiledd, Llanhiledd, Abertyleri, Blaenau Gwent, NP13 2JT

Mae mynediad llawn i'r anabl a pharcio yn union y tu allan i'r Sefydliad. Mae gorsaf drenau Llanhiledd 90 metr o fynedfa'r adeilad sy'n cynnwys cysylltiadau ardderchog â Chasnewydd, Caerdydd a Glyn Ebwy. Mae prif arhosfan bysiau’r pentref 120 metr o'n prif fynedfa, gyda chysylltiadau ardderchog â threfi lleol. Mae'r Sefydliad wedi'i leoli 3 milltir o dref Abertyleri ac mae Llanhiledd ychydig oddi ar yr A467 Ffordd Aber-bîg.