Drysau Agored - St Caron's Church, Tregaron

Wedi'i chysegru i'w nawddsant - Caron, mae'r eglwys yn sefyll ar dir uchel sydd o bosibl ar safle beddrod o'r oes efydd. Adeiladwyd y tŵr trillawr, 60 troedfedd o uchder, sy'n adeilad rhestredig Gradd 2, tua diwedd y 14eg ganrif Ailadeiladwyd gweddill yr eglwys yn 1877. 

Mae'r gosodiadau yn cynnwys bedyddfaen heptagonaidd o'r 14eg ganrif, reredos wedi’i wneud o garreg caen a sgrîn haearn gyr a gysegrwyd yn 1926. Mae ffenestri gwydr lliw yn amrywio o ddechrau'r 1920au pan gysegrwyd y ffenestr Ddwyreiniol i'r rhai fu farw yn y Rhyfel Mawr, i'r diweddaraf (2022) ar yr ochr Ddeheuol, sef ffermwr yn hau hadau sy'n adlewyrchu natur amaethyddol y gymuned.

Ar gyfer Drysau Agored, bydd - 
ymweliadau hunan-dywysedig, 
gwybodaeth a ddarperir neu a arweinir gan wirfoddolwyr,
cofrestrau sy'n dyddio o 1653 i'w gweld,
arysgrifau ar gofebau ar gyfer mynwentydd hen a newydd ar gael i'w darllen, 
arddangosfa - Y Gwir Barchedig George Noakes (1924-2008), Archesgob Cymru, 
taflenni llwybr yr eglwys ar gael i blant sy’n dod gydag oedolion.

Cyfeiriad - Eglwys Sant Caron, Tregaron, SY25 6JA.

Ddim yn addas ar gyfer defnyddwyr cadair olwyn. Llethr i fyny at y brif fynedfa.

Nid oes angen archebu ymlaen llaw.