Drysau Agored - Y Farchnad Fenyn, Amgueddfa Dinbych

Mae safle'r Farchnad Fenyn yn dyddio o 1848 ac arferai fod yn rhan o ganolfan fwy Marchnad y Fwrdeistref rhwng Llain y Capel a Lôn Crown. Cafodd y brif ran ohoni ei dymchwel a'i disodli gan neuadd y dref bresennol. Roedd y rhan sydd wedi goroesi yn gwasanaethu fel marchnad dan do ar gyfer gwerthu caws a menyn ac, uwchben y farchnad, roedd ystafell ymgynnull fawr yn wreiddiol. Ers hynny mae wedi bod yn fragdy ac yn gampws addysg.

Mae bellach yn ganolfan gymunedol aml-ddefnydd sy'n gartref i gaffi cymunedol ac amgueddfa, gan gynnwys ardal dreftadaeth sy’n dathlu pwysigrwydd y diwydiant argraffu i'r dref.

Bydd Penwythnos Drysau Agored Dinbych 2026 yn cael ei lansio ddydd Gwener 18 Medi gyda Thaith hunan-yrru o amgylch y Fro, ac yna darlith gyda'r nos yn Theatr Twm o'r Nant, "Adfer ac ail-leoli Melin Brookhouse ar gyfer y dyfodol". Dros y ddau ddiwrnod canlynol, dydd Sadwrn 19 a dydd Sul 20 Medi, bydd tri deg o safleoedd hanesyddol pwysig yn yr ardal ar agor i'r cyhoedd. Bydd gweithdai i blant, teithiau tywys a sioe ryngweithiol hefyd yn cael eu cynnal. Bydd gwasanaeth archebu digwyddiadau gyda lleoedd cyfyngedig ar gael drwy Lyfrgell Dinbych, yn nes at y penwythnos. Bydd rhagor o wybodaeth ar gael yn -
www.darganfoddinbych.cymru 
https://www.facebook.com/opendoorsdenbighshire/

Cyfeiriad - Llain y Capel, Dinbych, LL16 3TU.
what3words:
(ENG) ///brilliant.procured.actual
(CYM) ///crensian.barbwyr.ailsefyll

Mae prif gyfleuster parcio Dinbych yn Lleiniau'r Ffatri. Gellir cyrraedd yr eiddo ar droed o'r Stryd Fawr trwy Lôn Crown i'r dde o Neuadd y Dref.
Mae arosfannau bysiau gerllaw ar y Stryd Fawr yn cael eu gwasanaethu gan y gwasanaeth 51/52 o'r Rhyl, Rhuthun a Wrecsam.

Nid oes angen archebu ymlaen llaw.