Drysau Agored - Y Pales, Tŷ Cwrdd y Crynwyr, Llandeglau

Mae'r Pales yn Dŷ Cwrdd a oedd yn perthyn i’r Crynwyr ac yn Adeilad Rhestredig Gradd II* wedi'i leoli yn Llandeglau, Powys. Mae bellach yn eiddo i Addoldai Cymru. Mae’r cofnodion sydd ar gael yn nodi bod tir wedi'i brydlesu ar gyfer mynwent ar y safle mor bell yn ôl â 1673, a chodwyd tŷ cyfarfod ar y tir ym 1717 ac fe'i ailadeiladwyd ym 1745.

Cynhaliwyd ysgol ar y safle am gyfnod byr ar ddiwedd y 19eg ganrif, ac adeiladwyd tŷ annedd ger y Tŷ Cwrdd ar gyfer y tiwtor a'i deulu. Daeth hwn yn Dŷ'r Warden pan ddefnyddiwyd y safle ar gyfer gweithgareddau a digwyddiadau.

Yn ogystal â bod o ddiddordeb ysbrydol a hanesyddol, mae'r safle wedi'i leoli o fewn Geoparc newydd Calon Cymru.

Mae hwn yn gyfle i bobl ymweld â'r Pales a phrofi ei dawelwch a'i awyrgylch ysbrydol arbennig.

Cyfeiriad - Tŷ Cwrdd y Crynwyr, Y Pales, Llandeglau, Llandrindod, LD1 5UH.

Cyfarwyddiadau - wrth yrru trwy Landeglau, mae arwydd treftadaeth brown ar gyfer y troad i’r Pales. Mae'r troad yn ymdroelli trwy gefn gwlad cyn culhau a mynd i fyny bryn serth. Ar ben y bryn, gyda'r fferm ar y dde, trowch i'r chwith. Mae arwydd yn dangos y troad yma hefyd. Daliwch ati ar hyd y ffordd fynyddig nes i chi gyrraedd y Pales ar y chwith. Gyrrwch ychydig ymhellach nes i chi gyrraedd y chwarel ar y dde, lle mae digon o le i barcio.

Nid oes angen archebu ymlaen llaw.