Rydym ni’n defnyddio JavaScript i osod y rhan fwyaf o’n cwcis. Yn anffodus, nid yw JavaScript yn rhedeg ar eich porwr, felly ni allwch newid eich gosodiadau trwy ddefnyddio’r dudalen hon. I reoli eich gosodiadau cwcis trwy ddefnyddio’r dudalen hon, rhowch gynnig ar droi JavaScript ymlaen yn eich porwr.

Gwybodaeth am gwcis

Rydym wedi arbed rhai ffeiliau o’r enw cwcis i’ch dyfais. Mae’r cwcis hyn:

  • yn hanfodol i waith y safle
  • yn helpu gwella’n gwefan trwy gasglu gwybodaeth ac adrodd am sut rydych chi’n ei defnyddio

Hefyd, hoffem arbed rhai cwcis i helpu:

  • gwella ein gwefan trwy fesur y defnydd o’n gwefan
  • cofio eich gosodiadau
Newid gosodiadau cwcis

Rydych chi wedi derbyn yr holl gwcis ar gyfer y wefan hon. Gallwch newid eich dewisiadau ar gyfer cwcis unrhyw bryd.

Oeddech chi'n gwybod bod Minecraft Education ar gael drwy Hwb, a bod Cymru ar y blaen wrth ddefnyddio Minecraft Education mewn lleoliadau Addysg.

Dyma rywbeth Newydd!

Mae Cadw Cymru yn gynnyrch addysgol arloesol newydd sy'n cyfuno amgylchfyd rhithwir Minecraft â hanes cyfoethog safleoedd treftadaeth Cymru. Ynghyd â Phecyn Adnoddau Cymraeg newydd Minecraft Cadw Cymru, mae'n cynnig arf cyffrous i ymarferwyr yng Nghymru i ymgysylltu dysgwyr â'u hanes cenedlaethol mewn ffordd ryngweithiol ac ymdrochol.

Mae Cadw Cymru yn brosiect addysgol unigryw sy'n defnyddio gêm boblogaidd Minecraft i ddod â hanes Cymru yn fyw. 

Wedi'i datblygu mewn cydweithrediad â haneswyr, ymarferwyr a dylunwyr digidol, mae'r rhaglen yn ail-greu safleoedd treftadaeth eiconig Cymru o fewn Minecraft Education. Mewn fformat digidol deniadol, mae'r mannau rhithwir hyn yn caniatáu i ddysgwyr archwilio a dysgu am safleoedd hanesyddol, fel cestyll, abatai ac adfeilion hynafol.

Mae'r enw "Cadw" yn Gymraeg yn gallu golygu "gwarchod" neu "amddiffyn," sy'n adlewyrchu cenhadaeth y prosiect i warchod a hyrwyddo treftadaeth Cymru. Drwy ddefnyddio Minecraft, gêm sydd eisoes yn boblogaidd ymysg dysgwyr, mae Cadw Cymru yn darparu llwyfan cyfarwydd a chyffrous i feithrin ymdeimlad dwfn o gynefin ac ymgysylltiad addysgol.

A nawr gallwch hefyd ddatgloi byd bywiog Minecraft Education o'r newydd gyda Phecyn Adnoddau Cymraeg Minecraft Cadw Cymru!

Mae Pecyn Adnoddau Cymraeg Minecraft Cadw Cymru yn becyn adnoddau y gellir ei lawrlwytho ar gyfer Minecraft Education sydd wedi'i gynllunio i drawsnewid sut mae dysgwyr yng Nghymru yn rhyngweithio gyda Minecraft Education. Mae'r pecyn adnoddau arloesol hwn yn trawsnewid profiad cyfan Minecraft Education yn antur Gymraeg ymdrochol am y tro cyntaf erioed. Mae pob elfen wedi'i gyfieithu'n ofalus o iaith yn y gêm, dewislenni, a disgrifiadau rhestr manwl. Mae hyn yn sicrhau bod dysgwyr sy’n siarad Cymraeg yn gallu llywio ac archwilio'r gêm yn gyfan gwbl yn y Gymraeg, gan ei gwneud yn hollol gynhwysol!

Sut fyddwch chi'n ymgorffori'r cynnig trawsgwricwlwm cyffrous hwn yn eich lleoliad dysgu? Cliciwch ymlaen i gael gwybod mwy am Cadw Cymru a Phecyn Adnoddau Cymraeg Minecraft Cadw Cymru ac i gael mynediad i'r adnoddau ar Hwb. 

Edrychwn ymlaen at weld sut rydych yn ymgysylltu â Cadw Cymru a Phecyn Adnoddau Cymraeg Minecraft Cadw Cymru. Rhannwch eich delweddau o'ch anturiaethau a’r hyn rydych yn ei adeiladu @cadw.wales 

Minecraft Education

Canllawiau ar sut mae lawrlwytho a defnyddio Minecraft Education

Adnoddau

Adnoddau difyr a defnyddiol ar gyfer dysgu gartref

Adnoddau Addysg
Cadw Cymru
Dysgu Cymraeg
Castell Conwy
Llys a Chastell Tretŵr
Adnoddau Addysg (mobile link)

Beth nesaf!

Pan fyddwch chi wedi archwilio'r henebion yn Cadw Cymru Minecraft ac efallai wedi adeiladu mwy yn y gofod digidol, beth nesaf?  

Gallech ymweld ag un o'n henebion gyda'ch ysgol, grŵp, neu gyda'ch teulu, neu ffrindiau – gweler Ymweliadau Addysg neu  Ble hoffech chi fynd?, ac efallai y byddwch hyd yn oed  am Ddysgu Cymraeg gan ddefnyddio ein gwefannau. Efallai y bydd wedi eich ysbrydoli i ddod yn Warchodwr Treftadaeth, neu wedi ysgogi eich ysgol neu’ch grŵp i wneud cysylltiadau agosach â'ch heneb leol, i'w defnyddio fel ystafell ddosbarth awyr agored – ac efallai y byddwch am gofrestru i ddod yn un o Geidwaid Ifanc Cymru.  Os felly, rydym yn edrych ymlaen at eich gweld chi yn un o’n henebion neu glywed am eich anturiaethau.

Neu, efallai y gallech geisio mynd â'ch dysgu digidol i brosiectau ffisegol, ac efallai bod yn greadigol!  Gweler Celf, Crefftau a Chreadigrwydd am Syniadau. Efallai, gallech roi cynnig ar adeiladu cofeb neu adeilad lleol o ddiddordeb hanesyddol neu ddiddordeb dreftadaeth mewn blociau ffisegol, hyd yn oed bocsys cardbord.  Isod fe welwch rai syniadau i ddod â'ch dychymyg yn fyw:

  • Creu atgynhyrchiad bychan - Edrychwch ar ein cyfarwyddiadau penodol ar sut i adeiladu atgynhyrchiad bychan o gastell a gafodd eu llunio gan Andy Morris o Little Big Art.
  • Fideos 'Sut i' - Ydych chi am greu eich castell eich hun? Gallwch gael mwy o wybodaeth drwy wylio’r gyfres yma o fideos sy’n dangos sut y gallwch ail-greu eich castell eich hun.
  • Castell Caernarfon — fideo treigl amser - Gwyliwch wrth i Gastell Caernarfon gael ei ail-greu gan ddefnyddio 70,000 o frics Lego yn y fideo treigl amser anhygoel hwn.
  • Codi Castell Rhuddlan — fideo o amser yn mynd heibio - Gwyliwch wrth i waliau eiconig Castell Rhuddlan godi o 50,000 o frics Lego yn y fideo treigl amser anhygoel hwn.

Ymwadiad: Nid yw'r rhain yn cael eu noddi, eu hawdurdodi na'u cymeradwyo gan LEGO®. Mae LEGO® yn nod masnach Grŵp cwmnïau LEGO.