Open Doors - Eglwys y Santes Fair a Sant Nicolas, Biwmares

Mae Eglwys y Santes Fair a Sant Nicholas yn adeilad rhestredig Gradd 1 ar Stryd yr Eglwys, Biwmares. Mae'r Eglwys yn dyddio o tua 1330 a dyma'r ail adeilad hynaf yn y dref ar ôl Castell Biwmares. Mae ei phensaernïaeth hardd a’i llu o nodweddion diddorol yn mynd yn ôl tros Wyth Canrif o Dreftadaeth Gristnogol a chymdeithasol. Mae taflenni gwybodaeth ar gael ac mae ein croesawyr yn aml wrth law i'ch helpu i ddarganfod straeon sy'n gysylltiedig ag Arch Garreg y Dywysoges Siwan, y Bedd Alabaster, trychineb llongau Castell Rothsay, Tabora Ddu, y Misericords, a sawl Ffenestr Gwydr Lliw, Placiau Wal a Chofebau trawiadol. Oedwch i gynnig Gweddi a chynnau cannwyll yng Nghapel y Forwyn gan gofio bod pobl wedi gwneud hynny ers 700 mlynedd yn y lle sanctaidd hynafol hwn. Yna camwch allan i orffwys am ychydig yn harddwch tawel ein Gardd Heddychlon.

Mae Eglwys y Santes Fair wedi'i lleoli ar Stryd yr Eglwys, Biwmares. LL58 8AA Cyfeirnod Grid: SH 604 761

O Stryd y Castell ewch ar hyd Stryd yr Eglwys (wedi'i leoli ar gornel siop hufen iâ Red Boat). Mae Eglwys y Santes Fair tua 50 llath ymlaen ar y chwith. Sylwch fod parcio yn gyfyngedig iawn ym Miwmares. Argymhellir defnyddio'r meysydd parcio cyhoeddus. Fodd bynnag, mae rhywfaint o barcio cyfyngedig i'r anabl ar gael yn yr eglwys ei hun wrth yrru trwy'r gatiau cul sy'n arwain o Stryd yr Eglwys. Mae'r porth deheuol yn caniatáu mynediad i'r anabl gyda defnydd rampiau cludadwy.