Castell Dinefwr

SA19 6RT
Croeso i gŵn
Maes parcio Talu ac Arddangos
Polisi dronau

Canolfan teyrnas Deheubarth y bu mawr ymladd drosti

Yn sefyll mewn man aruchel ar ben bryn uwchlaw Dyffryn Tywi, mae Castell Dinefwr yn hawlio safle llawn mor arwyddocaol yn hanes Cymru. Yn y 12fed ganrif, roedd y gaer ym meddiant yr Arglwydd Rhys, llywodraethwr teyrnas hynafol Deheubarth yn ne Cymru. Yn ystod ei deyrnasiad cafwyd cyfnod prin o heddwch a sefydlogrwydd a esgorodd ar ddiwylliant, cerddoriaeth a barddoniaeth Gymraeg yn blodeuo.

Yn anffodus, ni fyddai’n para. Ar ôl i Rhys farw, cafwyd gwrthdaro dros olyniaeth ac felly blynyddoedd cythryblus wrth i dywysogion Cymru ymladd ymysg ei gilydd ac yn erbyn y Saeson. Yn y pen draw, syrthiodd Dinefwr i reolaeth y Saeson ym 1287 ac yno a fu am ganrifoedd, er gwaethaf ymgais Owain Glyndŵr at ei gipio’n ôl yn ystod ei wrthryfel ym 1403.

Amseroedd agor a phrisiau

Amseroedd agor

1st Ebrill - 31st Mawrth	10am–4pm
Mynediad olaf 30 munud cyn cau Ar gau 24, 25, 26 Rhagfyr a 1 Ionawr

Gwybodaeth i ymwelwyr

Croeso i gŵn

Mae croeso i gŵn ar dennyn gael mynediad i lefelau llawr gwaelod y safle.

Maes parcio Talu ac Arddangos

Maes parcio: Ymddiriedolaeth Genedlaethol

Caiff Aelodau Cadw barcio am ddim. Bydd gofyn i aelodau Cadw ddangos cerdyn aelodaeth dilys pan fyddan nhw’n cyrraedd.

(Mae tâl mynediad i Dŷ Newton).

Anhawster cerdded

Tirwedd: Lefel 4 – anodd

Polisi dronau

Darllenwch ein polisi dronau am y wybodaeth ddiweddaraf am hedfan yn henebion Cadw: darllenwch y canllawiau

Dim ysmygu

Ni chaniateir ysmygu.

Iechyd a Diogelwch

Mae’r castell, sy’n eiddo i'r Ymddiriedolaeth Genedlaethol, wedi'i leoli yng nghoetir ystad Dinefwr.

Mae yna faes parcio talu ac arddangos ger Tŷ Newton (sydd am ddim i aelodau Cadw).

Rhaid i ymwelwyr â’r castell ddilyn y llwybr i fyny i'r goedwig; bydd yn cymryd tua 20 munud ac mae’n serth mewn rhannau.

Yn naturiol, gall yr ardaloedd coetir fod yn anwastad, yn fwdlyd neu'n wlyb yn dibynnu ar y tywydd. Byddwch yn ofalus gan y gallai canghennau fod wedi cwympo a gwreiddiau coed ar hyd y llwybr.

Mae'r castell yn cynnwys ardaloedd uchel ac isel, gyda digon o gyfleoedd i archwilio. Cadwch at y llwybrau i ymwelwyr a pheidiwch â dringo dros yr heneb nac ynddi. Mae disgynfeydd cudd mewn mannau. Defnyddiwch y canllaw pan fydd ar gael ar y grisiau.

Fel gyda phob heneb, mae perygl bob amser i gerrig ddod yn rhydd mewn tywydd gwael. Fodd bynnag, rydym yn rheoli hyn trwy fonitro trylwyr.

Gall dringo arwain at anaf difrifol.

Mae yna nifer o blanhigion a blodau gwyllt, ac er bod y rhain yn beillwyr gwych gallant fod yn wenwynig i ymwelwyr ac anifeiliaid; rydym yn eich cynghori'n gryf i beidio â chyffwrdd na chaniatáu i gŵn fwyta unrhyw lystyfiant.

Gwyliwch ein ffilm iechyd a diogelwch cyn ymweld â safleoedd Cadw.

Iechyd a Diogelwch / Health and Safety

Rhowch wybod am unrhyw ymddygiad gwrthgymdeithasol fel dringo, graffiti ac ati i CadwAccidentsReports@llyw.cymru

Mae’r arwyddion canlynol i’w gweld o amgylch y safle mewn ardaloedd risg allweddol. Cymerwch sylw ohonynt lle bo’n briodol.