Gweithdai Ffeltio Nodwydd

Dysgwch neu datblygwch y grefft o ffeltio nodwydd gyda’r artist ffibr a chlai clodwiw Emma Bevan (Woven Earth Studio). 

I ddathlu canol yr haf, byddwn yn creu ein tirwedd ein hunain drwy ffeltio â nodwyddau, gan ddefnyddio cnu a ffibrau cynhenid wedi eu caffael yn foesegol.

Dewch â ffotograff neu ddelwedd o rywbeth sydd wedi eich ysbrydoli, wedi dod â llawenydd i chi, neu y mae gennych atgofion melys ohono - fel gwawr neu fachlud haul penodol, p'un ai dros fynydd, cefnfor, tref, castell, neu defnyddiwch eich dychymyg. Mae croeso i chi ddehongli hyn yn eich ffordd eich hun.

Mae'r sesiynau hyn yn addas ar gyfer pob lefel, hyd yn oed heb unrhyw brofiad. Bydd pob un ohonoch yn mynd â'ch creadigaeth unigryw eich hun adref, yn ogystal â dysgu sgiliau newydd a mwynhau profiad hwyliog gyda'ch gilydd. P'un a ydych chi'n dod fel grŵp neu ar eich pen eich hun, mae croeso cynnes i bawb.

Darperir yr holl offer a deunyddiau. 

Bydd angen tocyn ac mae’n hanfodol eich bod yn archebu ymlaen llaw. 

Mae'r tocynnau yn cynnwys mynediad cyffredinol i'r castell.

Dylech gyrraedd 10 munud cyn i'ch sesiwn ddechrau. 

Addas ar gyfer oedran 12+.