Fferm Frythonig-Rufeinig Caer Lêb

Anheddiad cynhanes gyda chysylltiadau Rhufeinig a chanoloesol

Mae’r lloc unionlin hwn o ffosydd a chloddiau dwbl yn meddu ar hanes cymhleth ac weithiau amheus. Yn sgil ei safle ar dir cors isel, cred rhai y gallasai fod ar un adeg yn dyddyn amffosog canoloesol, ac mae cloddiadau wedi datgelu darnau arian canoloesol ac arteffactau Rhufeinig yn dyddio o’r 3edd ganrif. Fodd bynnag, mae’r eitemau hyn fel petaent wedi’u gadael gan breswylwyr diweddarach yr anheddiad yn hytrach na’i adeiladwyr gwreiddiol, gydag ymchwiliadau i safleoedd tebyg mewn mannau eraill yng Nghymru’n awgrymu bod Caer Lêb yn tarddu o’r Oes Haearn.