Beddrod Siambr Din Dryfol

Safle claddu a chapsiwl amser o’r cyfnod Neolithig

Pennwyd dyluniad hirgul y beddrod siambr Neolithig hwn (Oes Newydd y Cerrig) gan ei safle ar gefnen greigiog, gul. Mae cloddiadau wedi datgelu hyd at bedair gwahanol siambr wedi’u hadeiladu drwy nifer o gyfnodau adeiladu.

Nodir y siambr ddiweddaraf gan borthfaen tal ar ochr ddwyreiniol y gefnen, ac mae meini unionsyth a maen capan sy’n mesur 10 troedfedd/3m wrth 5 troedfedd /1.5m i’r gorllewin yn dod o ddatblygiadau cynharaf y safle.